Navoiy viloyat pedagog kadrlarni qayta tayyorlash va malakasini oshirish

III. Mavzuga doir suhbat rejasi va matni – 20 daqiqa. 
Metod: suhbat  
Shakl: jamoada ishlash 
Usul: og‘zaki.  
Suhbat rejasi:  
1. Test haqida ma’lumot.  
2. Testlarni tayyorlash va ularni o‘tkazishga qo‘yilgan asosiy talablar. 
3. Test tuzish jarayonida nimalarga e’tibor berish lozim. 
4. Test haqida ba’zi mulohazalar. 
5. O‘qituvchilar dars jarayonida foydalanishlari uchun ijodiy topshiriq namunalari.  
1. Test haqida ma’lumot 
“Test” inglizcha “test” so‘zidan olingan bo‘lib topshiriq, tajriba ma’nosini anglatadi. Unga biror xususiyatni 
o‘lchash usuli sifatida XIX asrning 90-yillarida ingliz psixologi D.Kettel asos solgan. XX asr boshidan buyon 
bu sohada ikkita yo‘nalish yuzaga keladi: psixologik va pedogogik testlar. 
Psixologik  testlar  odamning  psixofiziologik  va  shaxsiy  xususiyatlarini  baholashiga  qaratilgan.  Pedagogik 
testlar esa bolaning maktabga tayyorgarligi, uning u yoki bu fan bo‘yicha o‘zlashtirishga hamda kasb hunarga 
tayyorgarligi  darajasini  o‘lchashga,  aniqlashga  mo‘ljallangan.  Pedogogik  testlar  asoschisi  deb  Amerikalik 
psixologik R.Torndayk (1874 – 1949) tan olingan. Testlar bo‘yicha olib borilgan ishlar davrini shartli ravishda 
uch davrga ajratish mumkin: 
1.  1900–1915-yillar  izlash,  o‘rganish    va  tadqiqot  davri.  Bu  davrda  xotirani,  e’tiborni,  qabul  qilish  kabi 
xususiyatlarini o‘rganish testlari yaratilgan va sinab ko‘rilgan. 
2. 1916 – 1930-yillar – testlarning eng ko‘p tarqalish va qo‘llanish davri. Bu davrda R.Torndayk tomonidan 
arifmetika, algebra, husnixat kabi fanlarga testlar tayyorlangan. 
3.  1931-yildan    keyingi  davr.  Bu  davrda  testlar  nazorat  qilishning  asosiy  shakli  sifatida  qo‘llanilgan. 
Masalan,  AQSHda  maktab,  kollej,  tijorat  o‘quv  yurtlarida  o‘quvchilar  bilimini  baholashda  testlar  keng 
ishlatilgan. Testlar yordamida bilimni baholash quyidagi sifatlarga ega bo‘ladi: 
- tasodiflik yo‘qotiladi; 
- o‘quvchi bahosiga yaqin baho ob’ektiv ko‘rinishda bo‘ladi; 
- o‘qituvchilarning ijodiy ishlarini jadallashtiradi; 
-o‘qitishning  turli  pog‘onalarida  xaqli  ravishda  talab  etish  mumkin  bo‘lgan  bilim  va  ko‘nikmalarining 
minimumini  aniqlash  imkoni  bo‘ladi.  O‘quvchi  bilimini  baholashda  ikkinchi  shaxs  bilan  sebyektiv 
gaplashishdan xoli etiladi; 
-bilim  mezonini  aniqlashda  adolatni  tiklaydi.  O‘quvchini  o‘zi  qanday  kamchilikka  yo‘l  qo‘yganini 
aniqlashga xatolar ustida ishlash imkonini tug‘diradi. 
O‘zbekistonda testlarning keng qo‘llanishi  respublika Prezidenti I.A.Karimov tashabbusi bilan 1992-yilga 
to‘g‘ri  keldi.  1992-yilda  Prezident  I.A.Karimovning  farmoniga  asosan  respublikamizdagi    18  ta  oliy  o‘quv 
yurtiga    test  sinovlari  asosida  talabalar  tanlanishi  juda  yaxshi  natijalar  berdi.  1993-  yildan  boshlab  hamma 
fanlardan olimpiadalar  test asosida o‘tkazildi va barcha oliy o‘quv yurtlariga talabalar tanlanishi testlar asosida 
qabul qilindi. 
Psixologik  va  pedagogik  testlarni  tahlil  qilish    shuni  ko‘rsatadiki,  xorijda  va  bizda  ham  testlarga  bo‘lgan 
qiziqish juda katta. Ma’lumki,  kuzatish savol-javob qilish anketalarni qo‘llash pedagogik   diagnostikada topik