Navoiy kon-metallurgiya kombinati navoiy davlat konchilik instituti «energo-mexanika»

ISh BOShLAShDAN OLDINGI XAVFSIZLIK TALABLARI
7. Ish boshlashdan oldin frezalovchi quyidagilarga majbur:
Jarayonning texnologik xartasi bilan tanishish
7.1. tarmoq me'yorlarida ko'zda tutilgan ishlarni bajarish uchun zarur bo'lgan maxsus kiyimni, maxsus poyafzalni va berilgan individual himoya vositalarini (himoya ko'zoynagini) kiyish va tartibga solish;
7.2. blokirovkalash va saqlash qurilmalari, zaminlash (zazemlenie) konturi mavjudligi va ishga yaroqligini va jihozlarning ishga yaroqligini tekshirish;
7.3. stanokning mahalliy yoritishini ishchi zonaning yetarlicha yoritadigan va yorug'lik ko'zni qamashtirmaydigan qilib rostlash;
7.4. asbob va moslamalar mavjudligini va ishga yaroqliligini tekshirish;
7.5. tishli g'ildiraklar, uzatma tasmalari, valiklar, yuritmalar va hokazolarni hamda elektr apparatlarning tok o'tkazuvchi qismlarini, saqlovchi qurilmalarni qirindi va sovitish suyuqliklardan himoya qilish uchun to'siqlar, asboblar qotirilishi uchun qurilmalar mavjudligini va ishga yaroqliligini tekshirish;
7.6. ulash va almashlab ulash richaglarini to'xtatib qo'yish (fiksasiyasi)ning yaroqligini tekshirish (salt yurishdan ishchi yurishga o'z o'zidan qo'shilib ketish ehtimoli yo'qligini tekshirish lozim).
7.7. oyoq ostiga qo'yiladigan yog'och panjara mavjudligini tekshirish;
7.8. ishlab chiqarish sanitariyasi talablariga rioya qilish.
8. Stanokni salt yurishda sinab ko'rishi va quyidagilarni tekshirishi lozim:
8.1. boshqarish organlar (bosh harakat, uzatish (podacha), ishga tushirish, harakatni to'xtatish mexanizmlari va boshqalar)ning yaroqliligini, stanokning harakatlanuvchi qismlarida, ayniqsa supportning ko'ndalang va bo'ylama sirpang'ich (salazki)larida qadalishlar va ortiqcha bo'sh joy yo'qligiga ishonch hosil qilish;
8.2. moylash va sovitish tizimlarining yaroqliligini.
Ish stolidan barcha o'zga narsalarni: kalitlar, qisuvchi detallar, qo'lqoplar, ilgaklar va hokazolar olib qo'yish;
9. Sovitish suyuqligini yetkazuvchi shlanglarni stanokning harakatlanuvchi qismlari va kesish asboblariga tegmaydigan qilib joylashtirish, sovutish suyuqligini faqatgina nasos yordamida etkazib berish;
10. Ish xavfsizligi to'liq ta'minlanmaganda frezalovchi o'z mulohazalarini ustaga xabar qilishi va tegishli choralar ko'rilmaguncha ishga kirishmasligi kerak.