Navoiy kon-metallurgiya kombinati navoiy davlat konchilik instituti kimyo-metallurgiya fakulteti

O‘ZBEKISTON RESPUBLIKASI
NAVOIY KON-METALLURGIYA KOMBINATI
NAVOIY DAVLAT KONCHILIK INSTITUTI
KIMYO-METALLURGIYA FAKULTETI
«IJTIMOIY-GUMANITAR FANLAR» KAFEDRASI
O‘ZBEKISTONNI RIVOJLANTIRISH STRATEGIYASI. FUQAROLIK JAMIYATI


fanidan


O‘QUV QO‘LLANMA

(barcha bakalavriat ta’lim yo‘nalishlari uchun)

NAVOIY – 2020
«O‘zbekistonni rivojlantirish strategiyasi. Fuqarolik jamiyati» fanidan o‘quv qo‘llanma.- Navoiy, NDKI. 2020. – __bet.
Ushbu o‘quv qo‘llanma O‘zResOO‘MTV tomonidan ____ sentyabr 2018 yilda tasdiqlangan «O‘zbekistonni rivojlantirish strategiyasi. Fuqarolik jamiyati» fanidan namunaviy dastur asosida tuzilgan. Qo‘llanma oliy o‘quv yurtlari talabalari uchun tavsiya etiladi. Shu bilan birga o‘quv qo‘llanmadan professor-o‘qituvchilar, ilmiy xodimlar, barcha pedagoglar ham foydalanishlari mumkin.

TAQRIZCHILAR: Navoiy davlat pedagogika instituti professori, t.f.n. Temirov G‘.T. NDKI «Ijtimoiy-gumanitar fanlar» kafedrasi dotsenti, t.f.n. Xaitova O.S.

KIRISH
Mustaqillik tufayli O‘zbekiston xalqi o‘zining siyosiy, iqtisodiy, ijtimoiy va man’aviy rivojlanishiga katta imkonit yaratildi. Mustabid tuzum davrida amal qilib kelingan, xalqimizning milliy-ma’naviy ruhiyatiga tamomila zid bo‘lgan «kommunistik g‘oya»dan voz kechildi. O‘zbekiston xalqi o‘z milliy g‘oyasi negizlariga tayangan holda rivojlanish yo‘lini tanladi. O‘zbekiston xalqi hayoti, mamlakat oldida qo‘ygan erkin va farovon hayot, ozod va obod Vatan qurish, maqsadlarini amalga oshirish uchun ma’naviy-ruhiy kuch-quvvat manbai hisoblanadi. Xalqimizni birlashtirib turadigan, milliy-ma’naviy qadriyatlarimizni tiklab, unga tayangan holda O‘zbekistonda demokratik, adolatli fuqarolik jamiyatini qurish uchun ilmiy-nazariy asos bo‘lib xizmat qiladi.

O‘tgan davr jarayonidagi islohotlaring natijasi o‘laroq fuqarolarimizning moddiy turmushi bilan birgalikda siyosiy tafakkurida ham yuksalish kuzatilmoqda. U yangi yo‘nalish va komponentlar bilan boyib bormoqda. Shu nuqtai nazardan olib qaraganda bugungi kunda yoshlarimizga mamlakatimizning o‘z oldiga qo‘ygan maqsad-muddaolari to‘g‘risida, jamiyatimizda olib borilayotgan islohotlardan ko‘zlangan natijalar, demokratiya, fuqarolik jamiyati tushunchalari va ularning mazmun mohiyati, fuqarolik jamiyat kishilarining ijtimoiy-siyosiy, iqtisodiy xuquqlari to‘g‘risida kengroq bilim va ko‘nikmalarni shakllantirish dolzarb vazifa bo‘lib qolmoqda.
Jamiyat rivojlanishda bo‘lar ekan, undagi g‘oyaiy qarashlar ham albatta rmvojlanish va o‘sishda davom etadi. Bugungi kunda dolzarb bo‘lib turgan ayrim g‘oyalarning o‘rniga o‘zining davriga xos bo‘lgan yangi g‘oyalar kirib keladi. Mamlakatimizda ham bugungi kun talabiga mos bo‘lgan “Inson manfaatlari hamma narsadan ustun”, “Xalq davlat idoralariga emas, balki davlat idoralari xalqimizga xizmat kilishi kerak”, “Xalq boy bulsa, davlat boy va qudratli bo‘ladi” kabi konseptual g‘oyalarning kirib kelishini kuzatish mumkinki. Ushbu g‘oyalar albatta xalqimiz g‘oyaviy hayotining, kelajagi buyuk davlat qurish yo‘lidagi umumiy intilishlari ifodalaydi