Navoiy kon-metallurgiya kombinati navoiy davlat konchilik instituti

Bilimni baholash tartibi

Talabalar bilimi reyting tizimi asosida joriy, oraliq va yakuniy nazoratlarda baholanadi. Joriy nazoratlar dars (asosan, amaliy mashg‘ulotlar) davomida og‘zaki so‘rov, yozma nazorat ishi, test, kollokvium, mustaqil ishlarni tekshirish, darsdagi faollikni hisobga olish va shunga o‘xshash ko‘rinishlarda amalga oshiriladi. Bunda talabalarning alohida mavzular bo‘yicha bilim va ko‘nikmalarni egallash darajasi baholanadi. Oraliq nazorat darsdan tashqari belgilangan vaqtda og‘zaki, yozma yoki test shaklida o‘tkazilib, bunda fanning ma’lum bo‘limi (yoki bir nechta mavzulari) bo‘yicha bilim va ko‘nikmalarni egallash darajali baholanadi.

Yakuniy nazoratlar semestrning oxirgi ikki haftasi davomida nazoratlar jadvalida belgilangan kun, vaqt va auditoriyada o‘tkazilib, bunda fan (yoki uning semestrda o‘tilgan qismi) bo‘yicha bilim va ko‘nikmalarni egallash darajasi baholanadi.

Baholash 100 ballik tizimda o‘tkaziladi va eng yuqori ko‘rsatgich joriy nazoratlar uchun 35 ball, oraliq nazoratlar uchun 35 ball va yakuniy nazoratlar uchun 30 ball hajmida belgilangan.

Nazorat turlari bo‘yicha alohida saralash bali belgilanmagan. Joriy va oraliq nazoratlar bo‘yicha saralash bali – 39 ball, umumiy saralash bali – 55 ball.