Navoiy innovatsiyalar instituti «tasdiqlayman» Navoiy innovatsiyalar instituti rektori

8-MAVZU. BOSHLANG‘ICH SINFLARDA “ONA TILI VA O‘QISH SAVODXONLIGI” FANIDAN TA’LIM VOSITALARI.


Reja:

1.“Ona tili va o‘qish savodxonligi” fanini o‘qitishning asosiy vositalari. 2.Darsliklarning nazariy va amaliy asoslari.

3.Ona tilidan qo‘shimcha vositalar: lug‘atlar, prezentatsiyalar, rasmlar, ovozli yozuv vositalari.
ONA TILI TA’LIMI VOSITALARI
UZLUKSIZ TA’LIMNING ONA TILI FANIDAN DARSLIKLARNING TUZILISHI VA MAZMUNI


Tayanch tushunchalar:
Darslik, ona tilidan qo‘shimcha vositalar: chizmalar (transporantlar), o‘quv filmlari va diafilmlar, ovozni yozib olish vositalari, slayd - jadvallar, portret, peyzaj, ma’rifiy matnlar, rasmli albom, televideniya ko‘rsatuvlari, lug‘atlar: «O‘zbekiston Milliy ensiklopediyasi», «O‘zbek tilining izohli lug‘ati», «Imlo lug‘ati», «O‘zbek tilining kirill va lotin alifbolaridagi imlo lug‘ati», «O‘zbek tili morfem lug‘ati», «O‘zbek tilining frazeologik lug‘ati», «O‘zbek tili sinonimlarining izohli lug‘ati», «O‘zbek tili omonimlarining izohli lug‘ati», «O‘zbek tili antonimlarining izohli lug‘ati», «Paronim so‘zlar lug‘ati», «Geografik nomlar lug‘ati», «O‘zbek tilining qisqa etimologik lug‘ati»; o‘quv lug‘atlari: «O‘zbek tilining so‘z tarkibi o‘quv lug‘ati», «O‘zbek tilining ma’nodosh so‘zlar o‘quv lug‘ati», «O‘zbek tili iboralarining o‘quv izohli lug‘ati», «O‘zbek tilining so‘zlar darajalanishi o‘quv lug‘ati», «O‘zbek tilining zid ma’noli so‘zlar o‘quv lug‘ati», «Qo‘shib yoziladimi, ajratib», «O‘zbek tilining shakldosh so‘zlar o‘quv lug‘ati», «O‘zbek tilining o‘zlashma so‘zlar o‘quv izohli lug‘ati».
Ona tili o‘qitishning asosiy vositalari. Ilk bosqichda: 1. Ona tili o‘quv dasturi asosida yaratilgan darsliklar. 2. O‘zbek tili bo‘yicha lug‘atlar: «O‘zbek tilining izohli lug‘ati», «O‘zbek tilining uyadosh so‘zlar lug‘ati», «O‘zbek tilining ma’nodosh so‘zlar lug‘ati», «O‘zbek tilining shakldosh so‘zlar lug‘ati», «O‘zbek tilining zid ma’noli so‘zlar lug‘ati».
Ikkinchi bosqichda bu vositalar sirasi «O‘zbek tilining so‘z yasash lug‘ati», o‘zbek tilidagi ensiklopediya, ona tili mashg‘ulotlarida og‘zaki va yozma tasvir uchun izohli albom, ishlatilishi lozim bo‘lgan zarur so‘zlar berilgan rasm-tasvirlar va h.k. bilan to‘ldirilishi lozim.
Ta’lim usuli, asosan, induktivdir. Shuning uchun mashg‘ulotda faol ishlovchi o‘quvchining o‘zidir. Har bir mashg‘ulot taxminan to‘rt bosqichni o‘z ichiga oladi: 1. Takrorlash. 2. Berilgan materiallarning o‘quvchilar tomonidan tahlili. 3. Berilgan materiallarni o‘qituvchi yordamida umumlashtirish va hukm chiqarish. 4. Hosil qilingan umumiylikni amalda qo‘llash va sinash, o‘quv topshiriqlarini bajarish.