Navoiy davlat pedagogika instituti "tasdiqlayman"

Darslikda metapredmet bilimlarning bo’lishi -
mazkur fandagi tadqiqot 
metodlari va ularning o’ziga xos xususiyatlarini hisobga olishni taqozo qiladi. Ilmiy 
qat’iylikni saqlashga va metodik darajaga rioya qilishga olib keladi. Bu esa, talabaga 
o’quv materialining mohiyatini mustaqil aniqlashga va oldinga siljishga imkon yaratadi. 
Ushbu maqsadda, darslikda metapredmetli bilimlar keltirilishi kerak. Masalan, 
predmet bo’yicha bilimlar elementlarining tarkibini o’rganish rejasi; ilmiy tushunchalar, 
qonunlar va nazariyalarni o’zlashtirish bosqichlarining ketma-ketligi; seminarga va uni 
bayon qilishga qanday tayyorlanishga va darslik bilan qanday ishlashga ko’rsatmalar 
berilishi zarur. 
14.
 
YAngi axborot texnologiyalaridan foydalanish imkoniyatlarini hisobga olish.
Darsliklarni yaratishda EHMlarni qo’llash imkoniyatlari hisobga olinadi, dasturning 
ayrim bo’limlarini o’rganishda hisoblash, audio – video texnikalarni qo’llab o’rganish 
bayon qilinadi. SHu tufayli, axborot olishning texnik va bosma vositalarini qo’llashga 
bir xil yondoshish amalga oshiriladi. 
12.4. Monografiya –
shunday ilmiy asarki, unda bir mavzu va u bilan bog’liq 
masalalar chuqur ishlab chiqiladi. Monografiya, odatda, fan doktori ilmiy darajasini 
olish uchun bajarilgan ilmiy tadqiqot natijalarining nashri bo’lib, unda ilmiy 
tadqiqotning asosiy natijalari tizimli bayon qilinadi. Doktorlik darajasini olish uchun 
yozilgan monografiya faqatgina yakka mualliflikda, nomzodlik darajasi uchun 
hammualliflikda bo’lishi mumkin. Monografiyaning hajmi, odatda, 5 – 8 va undan 
ko’proq bosma taboqda bo’ladi. 
12.5. Ilmiy ishlanmalarning muallifligini saqlashga o’tkazish(deponirovaniye).
Har qanday muallifning ilmiy ishlanmalarini mualliflikni saqlash uchun o’tkazish 
mumkin. Saqlash degani – qo’lyozmani maxsus joyda saqlashga topshirish degani 
bo’lib, u respublika ilmiy va texnik axborotlar markazi bo’lishi mumkin. Odatda, katta 
tirajda chiqarish shart bo’lmagan ishlanma(monografiya, maqolalar, tezislar va boshq.) 
saqlashga topshiriladi, chunki ular tor sohadagi mutaxassislar uchungina mo’ljallangan 
va ulargagina zarur. 
Saqlashga topshirilgan ish nashr etilgan deb hisoblanishi uchun, uning annotatsiyasi 
ilmiy jurnalda yoki referativ to’plamda bosilib chiqishi kerak.