Navoiy davlat pedagogika instituti tabiiy fanlar fakulteti geografiya o

 

---

Kartani o`qish va kartani tushunish 
Hozirgi  vaqtda  geografik  kartalar  ma’ruza  vaqtida  va  amaliy 
mashug`lotlarda ko`rgazmali qurol bo`libgina qolmasdan, balki geografik voqea-
hodisalarning  tarqalishini  ko`rsatuvchi,  ularni  sifat  va  miqdor  ko`rsatkichlarda 
tasvirlovchi  bilim  manbai  hamdir.  Geografik  kitoblar  singari  kartalar  ham 
geografik  bilimlarni  o`rgatadi.  Kitoblarda  yer  yuzasi  so`z  bilan  tasvirlansa, 
kartada  obrazli-belgilar  voqelikning  modelini  ko`rsatadi.  Lekin  uni  tushunib 
yetish  uchun  kartani  bilish,  tushunish  kerak.  Bu  tushunchalar  maktabdan 
boshlanadi. Kartani bilish deganda obrazli-belgi yordamida ob’ektlarning qayerda 
joylashganini  bilish  kifoya  qilmaydi.  Uni  bilish  uchun  kartani  tuzish,  o`qish, 
tushunish, kartografik model tasavvuriga ega bo`lmoq zarur. 
Kartani o`qish va tushunish deganda kartadagi voqea va jarayonlarni o`zaro 
bog`langan,  lekin  mazmun  jihatdan  bir-biridan  farq  qiluvchi  belgilarini  bilamiz. 
Kartada  tasvirlangan  voqea-hodisalarni  shartli  belgilar  yordamida  o`qish  degani 
karta  mazmunini  to`liq  tushunib  yetadi,  degan  gap  emas.  Buning  uchun  karta 
mazmuni to`g`risida ma’lum darajada nazariy geografik ma’lumotga ega bo`lmoq 
kerak. 
Masalan,  Surxondaryo  vodiysi  tasvirlangan  tabiiy-geografik  kartalardan, 
uni  shimol  tomoni  tog`lar  bilan  o`ralganligi,  mamlakatimizning  janubiy 
kengligida  joylashganligi,  suv  ob’ektlarning  mavjudligini  (Surxondaryo, 
Sherobod  daryo,  Janubiy  Surxon  suv  ombori  va  Sherobod  kanali),  qish  kunlari 
qisqa, yillik foydali harorat miqdori 4000
0
 dan yuqori bo`lishini u yerda ingichka 
tolali  paxta  yetishtirish  mumkinligini  tasavvur  qilsa  bo`ladi.  Kartani  o`qish 
deganda,  kartografik  belgi-modellar  orqali  tasvir  ma’nosini  tushunish  demakdir. 
Kartadagi  har  bir  rang,  chiziq,  belgi  biror  voqelikni  tasvirlaydi.  Shartli  belgilar 
orqali  joylari  aniqlanidi.  Shuning  uchun  o`quvchilarga  kartani  o`qishga 
o`rganishdan  oldin,  ular  ekskursiyalarga  olib  chiqiladi,  rel’yef  va  ularning 
elementlari,  tog`,  yassi  tog`,  tepalik,  yonbag`ir,  vodiy,  o`zanlar  va  ularning 
kartada tasvirlanishini  tushuntirish  zarur.  Kartada tasvirlangan  voqea-hodisalarni 
alohida  emas,  balki  ularning  o`zaro  bog`liqligini,  bir–biriga  ta’sirini  bilib  olish 
shart. 
Kartani o`qiy oladigan kishi kartada tasvirlangan hududda nimalar borligini 
biladi  xolos.  Kartani  tushungan  kishi  esa,  tasvirlangan  voqea  va  hodisalarni 
izohlab, har tomonlama ta’riflab, o`zaro bog`liqliklarni ayta oladi. 
O`qish  va  tushunish  bir-biriga  bog`liq.  Kartani  o`qishni  bilmasa,  uni 
tushunib bo`lmaydi. Ammo kartani tushunmasdan o`qiy olsa bo`ladi. 
“Kartani 
bilish” 
tushunchasi 
yuqorida 
ta’kidlaganimizdek, 
tushunishdangina  iborat  bo`lmasdan,  kartaning  tayyorlanishini  ham  o`z  ichiga 
oladi.  Shuning  uchun  5-sinf  geografiyasida  oddiy  topografik  plan  olish  usullari 
o`rgatiladi,  chunki  mayda  masshtabli  geografik  kartalarning  asosini  yirik 
masshtabli topografik kartalar tashkil qilinishini o`quvchilar tushunishlari zarur.