Navoiy davlat pedagogika instituti O'zbek tili va adabiyoti yo’nalishi

Navoiy davlat pedagogika instituti
O'zbek tili va adabiyoti yo’nalishi
2-kurs “D” guruh talabasi O’roqova
Kamolaning “Folklor o’quv amaliyot”i
fanidan yozgan

Hisobot
2021-yil 1-iyundan 13-iyungacha bòlgan amaliyot davomida men G’ijduvon tumani Zarafshon jamoa xo’jaligi hududida joylashgan “ Xonsalor”, “Firishkent”, “Pinjuvon” qishloqlari va uning atroflaridan kòplab xalq oģzaki namunalarini yiģishga harakat qildim. Amaliyotni birinchi kunida men òz qishloģimdagi keksa nuroniylar bilan suhbatda bòldim va ulardan qishloģimning nomi bilan boģliq afsona hamda rivoyatlarni yozib oldim. Aytishlaricha, qishloq Soktaridan G’ijduvon qo’rg’oniga qarab oqqan anhorning Dilkusho qirg’og’ida joylashgan ko’kalamzor bir joy bo’lgan. Buxoro hukmdori bu joyga ov qilish uchun tez-tez kelib turgan. Ov qilingan kiyik, jayronlar go’shtini shu yerda kabob qilib pishirib yegan. Shu-shu bu joy xon kabobxo’rlik qilgan joy- Kabobi bo’lib qolgan emish. Bu rivoyat “Kabobi” qishlog’ida yashovchi Hikmatullayeva Odina buvidan yozib olindi.

1. 
   Maqollar:
   

Har ko’katning o’z suygan tuprog’i bor.
Yurtim dedim yuzga kirdim.
Gapning ozi yaxshi, qizning – nozi.
Shirin-shirin so’zlasang, ilon inidan chiqar.
Achchiq – achchiq so’zlasang, musulmon dinidan chiqar.
Xabar – shamoldan tez.
Yer qazimasang, oltin chiqmas,
Qarmoq solmasang – baliq.
O’rtada burun bo’lmasa, ko’z ko’zni uyar.
Gapning qisqasi - yaxshi,
Qisqasidan hissasi – yaxshi.

2. 
   Topshmoqlar:
   

Ko’k ko’ylakka qo’l yetmas. (Osmon)
Qishda yaxlamaydi, yozda yaxlaydi. ( Sho’r yer)
Katta – kichik besh o’rtoq, uyushga bo’lar to’qmoq.( Barmoqlar)
Ovozasi azonda, mazaligi qozonda.( Xo’roz)
Gul ustida olifta ashulachi.(Bulbul)
Ko’k yeb, oltin o’raydi.( Ipak qurti)
Bir qushim bor suyagi yo’q.( Kapalak)