Navoiy davlat konchilik instituti

Kosmik  quyosh  elektrostansiyalari. 
Hozirgi  kunda  quyosh  radiatsiyasi  zichligining 
kamligi,  uning  yilning  fasliga  hamda  ob  –  havoga  bog‗likligi  tufayli,  quyosh 
energiyasidan  katta  miqdorda  elektroenergiya  olish  imkoni  yo‗q.  Yuqoridagi 
kamchiliklarni  bartaraf  qilish  uchun  yerning  sun‘iy  yo‗ldoshi  shaklidagi  quyosh 
elektrostansiyalarini qurish lozim. Natijada ob – havoning qanday bo‗lishiga qaramasdan, 
quyosh energiyasidan kunning 24 soatida foydalanish mumkin. Sun‘iy yer yo‗ldoshlariga 
o‗rnatilgan  quyosh  elektrostansiyalari  ishlab  chiqaradigan  elektroenergiya,  yerdagi 
iste‘molchilarga  ultra  qisqa  to‗lqinlar  (uzunligi  10  sm  ga  teng)  kanali  orqali  uzatiladi. 
Uzatilgan  to‗lqinlar  yerdagi  qabul  qilish  antennalari  yordamida  qabul  qilinadi  va  erda 
sanoat  chastotasi  energiyasi  (50  Hz)  ga  aylantirilib  iste‘molchiga  uzatiladi  [19,  29,  30]. 
Sun‘iy yer yo‗ldoshlariga o‗rnatilgan quyosh elektrostansiyalari foydali ish koeffitsientini 
kelajakda 77 – 95 % ga yetkazish rejalashtirilgan. Quyosh elektrostansiyalarining o‗rtacha 
qamraydigan maydoni 20 km ga teng bo‗lib, uzatish antennasining diametri 1 km  ga va 
qabul qilish antennasining diametri 7 – 10 km ga teng bo‗ladi. 1.6 – rasmda yerning sun‘iy 
yo‗ldoshiga o‗rnatilgan quyosh elektrostansiyasi keltirilgan.