Navoiy davlat konchilik institute Konchilik fakulteti Xavfsizlik qoidalari va elektr xavfsizlik fanidan

Montyorning saqlagich kamari va xavfsizlik arqonlari

3.13. Montyorning saqlagich kamari havo elektr uzatish tarmoqlarida, elektrostansiya va podstansiyalarda, taqsimlovchi uskunalarda balandlikda ishlovchi ishchilarning xavfsizligini ta’minlash uchun xizmat qiladi. Kamarlar GOST 14185-77, 5718-77 talablariga mos kelmog‘i lozim.

3.14. Ishlab turgan elektr uskunalarida ish bajarishda (kavsharlash ishlaridan tashqari) texnik kapronli lentadan yoki shunga o‘xshash materialdan qilingan osma arqonli moityorning saqlagach kamarini ishlatish lozim. Elektr uskunalarining tok o‘tkazuvchi qismlaridan kuchlanishni olib yoki tok o‘tkazmaydigan qismlaridan kuchlanishni olmasdan kavsharlash ishlarini bajarish jarayonida osma zanjirli saqlagich kamarini ishlatish lozim.

3.15. Kamar karabini qulflab berkitilishi va qimirlamaydigan moslama bilan jihozlangan bo‘lishi kerak.

3.16. Dinamik siltanishga duchor bo‘lgan kamar ishlatishdan olib qo‘yilishi zarur.

3.17. Xavfsizlik arqoni qo‘shimcha himoya vositasi sifatida ishlatiladi. Ish joyi montyorning saqlagich kamarini osma arqoni bilan uskunalar konstruksiyasiga mustahkam o‘rnashib olish imkonini ta’minlay olmaydigan masofalarda xavfsizlik arqonidan foydalanish shart. Buning uchun uzunligi kamida 10 m va diametri 15 mm dan kam bo‘lmagan paxtadan qilingan arqondan yoki maxsus to‘qilgan kapron arqondan foydalanish zarur. Arqonning statik uzilish yuklamasi 10000 N (1000 kgs)1 dan kam bo‘lmasligi shart. Xavfsizlik arqonining saqlagich kamari aylanasiga mahkamlash uchun bog‘lagich tuguni quyidagi chizmada ko‘rsatilgan. Xavfsizlik arqonlari karabinlar (prujinali qisqichlar) bilan jihozlangan bo‘lishi mumkin.

Foydalanilgan adabiyotlar

1.T.S.Kamolov X.Ismoilov va boshqalar “Elektr uskunalaridan foydalaniladigan himoya vositalarini qo’llash va sinash qoidalari” . Navoiy 2014- yil

2. A.S.Karimov va boshqalar. “Elektrotexnika va elektronika asoslari”, T.: O‟qituvchi, 1995 y.

3. F.E.Evdokimov “Umumiy elektrotexnika”, T.: O‟qituvchi, 1995 y. 388 b.

4. A.I.Xonboboev, N.A.Halilov “Umumiy elektrotexnika va elektronika asoslari”, T.: O‟zbekiston, 2000 y. 445 b.