Навоий кон – металлургия комбинати ислом каримов номидаги тошкент давлат техника университети электр энергетикаси факултети

Тузувчилар:

“Фалсафа ва миллий ғоя” кафедра мудири		Фарфиева К.А.
“Фалсафа ва миллий ғоя” кафедраси доц.		Маннопов Х.М.

КИРИШ
“Олий таълим муассасаларида талабалар билимини назорат қилиш ва баҳолаш тизими тўғрисидаги низомни тасдиқлаш ҳақида” ги Низом Ўзбекистон Республикаси Олий ва ўрта махсус таълим вазирлигининг 2018 йил 9 августдаги 19-2018-сон буйруғи билан тасдиқланган ва Ўзбекистон Республикаси Адлия вазирлигида 2018 йил 26 сентабрдаги 3069-сон билан давлат рўйхатидан ўтказилган.
Ушбу Низом асосида талабалар билимини назорат қилиш ва баҳолаш тизими орқали баҳолашдан мақсад Ўзбекистон Республикаси Президентининг 2018 йил 5 июндаги ПҚ – 3735-сон “Олий таълим муассаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида”ги қарорига мувофиқ таълим сифатини бошқариш орқали рақобатбардош кадрлар тайёрлашга эришиш, талабаларнинг “Фалсафа” фанини ўзлаштиришида бўшлиқлар ҳосил бўлишини олдини олиш, уларни аниқлаш ва бартараф этишдан иборат.
“Фалсафа” фанидан тузилган талабалар билимини назорат қилиш ва баҳолаш жадвалининг асосий вазифалари қуйидагилардан иборат:
а) талабаларда Давлат таълим стандартларига мувофиқ тегишли билим, кўникма ва малакалар шаклланганлиги даражасини назорат қилиш;
б) фаннинг асосий тушунчаларини талабалар томонидан тизимли тарзда ва белгиланган муддатларда ўзлаштирилишини ташкил этиш ва таҳлил қилиш;
в) талабаларда мустақил ишлаш кўникмаларини ривожлантириш;
г) талабалар билимини холис ва адолатли баҳолаш ҳамда унинг натижаларини вақтида маълум қилиш.