Научный совет dsc

Тадқиқот натижаларининг ишончлилиги. Тадқиқот натижалари 
миллий қонунчилик нормалари, халқаро стандартлар, ривожланган 
мамлакатларнинг ҳуқуқни қўллаш тажрибаси, ижтимоий сўровлар ва эксперт 
баҳолари кўринишидаги ижтимоий тадқиқотларга асосланган, статистик 
маълумотлар таҳлили натижалари умумлаштирилиб, тегишли ҳужжатлар 
билан расмийлаштирилган.
Жазони қўллашга оид суд амалиётини ўрганиш мақсадида суд-тергов 
амалиётининг 100 нафар ходими ўртасида сўров ўтказилди, Ўзбекистон 
Республикаси жиноят ишлари бўйича судлар томонидан кўриб чиқилган, шу 

---

29 
жумладан тадқиқотчининг бевосита иштирокида суд қарорларини қабул 
қилишга оид 1000 дан ортиқ жиноят ишлари ўрганилган. Бундан ташқари, 
тадқиқотчи иштирокида жазони тайинлаш билан боғлиқ тушунтиришлар 
берилган Ўзбекистон Республикаси Олий суди Президиуми ва Пленуми 
қарорлари ишлаб чиқилди ва қабул қилинди. 
Хулоса, таклиф ва тавсиялар апробациядан ўтказилган, уларнинг 
натижалари етакчи миллий ва хорижий нашрларда эълон қилинган. Олинган 
натижалар ваколатли тузилмалар томонидан тасдиқланган ва амалиётга 
жорий этилган. 
Тадқиқот натижаларининг илмий ва амалий аҳамияти. Тадқиқот 
натижаларининг илмий аҳамияти шундаки, назарий хулосалар ва тавсиялардан 
жазони тайинлаш асослари ва тартибини назарда тутадиган нормаларни 
қўллашнинг ҳуқуқий асосларини такомиллаштириш, суднинг жазо тайинлаш 
амалиётини такомиллаштириш, «Жиноят ҳуқуқи (Умумий ва Махсус қисм)», 
«Жиноят-ижроия ҳуқуқи», «Жиноят-процессуал ҳуқуқи» фанлари бўйича 
ўқув жараёнида, ўқув ва ўқув-услубий қўлланмаларни тайёрлашда, жазо 
тайинлаш бўйича суд амалиётида фойдаланиш мумкин.
Тадқиқот натижаларининг амалий аҳамияти шундаки, улардан 
Ўзбекистон Республикаси Жиноят, Жиноят-процессуал ва Жиноят-ижроия 
кодексларини такомиллаштириш, Ўзбекистон Республикаси Олий суди 
Пленуми қарорлари лойиҳаларини тайёрлаш, жиноятчиликка қарши 
курашиш бўйича давлат дастурини ишлаб чиқиш жараёнида фойдаланиш 
мумкин.