Научный совет dsc

Тадқиқотнинг мақсади жиноий фаолиятдан олинган даромадларни 
легаллаштиришга қарши курашиш борасида Ўзбекистон Республикасининг 
жиноят қонунчилигини такомиллаштириш бўйича таклиф ва тавсиялар 
ишлаб чиқишдан иборат. 
Тадқиқотнинг вазифалари: 
жиноий фаолиятдан олинган даромадларни легаллаштириш тушунчаси 
ва генезисини таҳлил қилиш; 
миллий ва хорижий жиноий қонун ҳужжатларини, халқаро ҳуқуқни, 
шунингдек МДҲга аъзо давлатларнинг жиноят қонунларини таҳлил қилиш 
асосида жиноятлардан олинган даромадларни легаллаштиришнинг ижтимоий 
шартлилигини очиб бериш; 
Ўзбекистон Республикаси қонунчилигидаги камчиликларни аниқлаш 
ва халқаро ҳужжатлар қоидаларини бажариш мақсадида жиноий йўл билан 
топилган 
даромадларни 
легаллаштириш 
билан 
боғлиқ 
ҳуқуқий 
муносабатларни тартибга солувчи ҳуқуқий меъёрларни қиёсий ўрганиш; 
жиноий фаолиятдан олинган даромадларни легаллаштириш таркиби 
бўйича жиноий-ҳуқуқий таҳлил ўтказиш; 
жиноятлардан олинган даромадларни легаллаштириш учун жазо 
чораларини назарда тутувчи Ўзбекистон Республикасининг жиноят 
қонунчилигини такомиллаштириш бўйича тавсиялар ишлаб чиқиш; 
жиноий фаолиятдан олинган даромадларни легаллаштиришнинг 
криминологик жиҳатларини таҳлил қилиш, ушбу жиноятчиликнинг олдини 
олиш бўйича таклифлар ишлаб чиқиш. 
Тадқиқотнинг объекти жиноий даромадларни легаллаштиришни 
квалификация қилиш ва уларнинг криминологик жиҳатларини аниқлаш 
билан боғлиқ муносабатлар тизими ҳисобланади. 
Тадқиқотнинг предмети жиноий даромадларни легаллаштириш учун 
жавобгарлик белгиланган ҳуқуқий муносабатларни тартибга солувчи 
норматив-ҳуқуқий ҳужжатлар, қонунни қўллаш амалиёти, айрим хорижий 
мамлакатлар қонунчилиги ва амалиёти ҳамда юридик фанда мавжуд бўлган 
концептуал 
ёндашувлар, 
илмий-назарий 
қарашлар 
ва 
ҳуқуқий 
категориялардан иборат.