Natural english

Thank you very much! See you next time. Bye bye!
Sharh
Assalomu alaykum, bilimdon do‘stim! Siz bilan birinchi darsimiz so‘ngida ko‘rishib turganimdan xursandman. Sizga hurmatim oshib boryapti. Bugun sistemamizning yana bir siri haqida aytib o‘tmoqchiman. Bu metodikamizning ikkinchi varianti hamda qo‘shimcha qismi hisoblanadi. Avval qomatni to‘g‘irlab, chuqur-chuqur nafas olamiz, yuzimizda tabassum. Yaxshi kayfiyat bilan sistemamizning eng muhim qismini bayon qilishga ijozat bering. Demak, bugundan boshlab juda sodda bir kitobni olamiz.
Qanchalik sodda? Kitobning 95 foizini osonlik bilan tushuna olishingiz kerak! Qolgan 5 foizini esa lug‘atlar yordamisiz taxminan tushuna oladigan bo‘ling! Ko‘pchilik kitob o‘qish orqali yangi so‘zlar yodlashga kirishishadi, juda qiyin kitob tanlashadi va o‘zlarini qiynab natijadan uzoqlashib ketishadi. Bugundan boshlab siz shu xatoni takrorlamay, o‘ta sodda kitob olasiz va takror-takror o‘qiysiz. Ikki hafta davomida 5 martadan o‘qing, undan keyin yana bitta kitob olib besh marta o‘qing! Kitoblarning ma’nosiga kirib o‘qing, xuddi o‘z ona tilingizdagi kitobni o‘qigan kabi voqealar rivojini tasavvur qilib boring. Shunda gapirishingiz tezlashadi. Demak, men sizga bugungi vazifani, ya’ni sistemamizning eng muhim 2-usulini o‘rgatdim. Endi buni katta xohish bilan davom ettiring!