National researches of uzbekistan: conferences

Апрель 2022 10-қисм
Тошкент
‘‘ЎЗБЕКИСТОНДА МИЛЛИЙ ТАДҚИҚОТЛАР: ДАВРИЙ АНЖУМАНЛАР:’’
muhim ahamiyatga egadir.
Farzand tarbiyasida onaning vazifalari quydagilardan iborat:
Ona - uy bekasi sifatida oilaning barcha yumushlariga mas’uldir. Xonadonning oroyishi va 
osoyishtaligi, ro‘zg‘ordagi tartib-intizom, oila an’analarining umrboqiyligi, tinch-totuvli, fayzli 
hayot ayol kishiga bog‘liq. Uddaburon rejali, tadbirkor ayol - oilada to‘kin-sochinlik garovidir. 
Uning aksi bo‘lsa, oiladan qut-baraka ketadi, oila jamg‘armasi tanazzulga yuz tutadi. Oiladagi 
barcha masalalar yuzasidan erga ma’lumot beruvchi, ularni o‘zaro maslahatlashib, yechimini 
topuvchi, ota bilan farzand o‘rtasidagi munosabatlarni yo‘lga qo‘yib boruvchi ham onadir. Ayol 
- oila tinchligining tarozisidir. Jismi-jonidan tirik bir jonni ne azobda dunyoga keltiruvchi ham 
ayoldir. Turmush o‘rtog‘ini ertalab tabassum bilan ishga kuzatgan, qaytganda xursandchilik bilan 
kutib olgan ayol jannatidir. Bu toifadagi ayollar er urug‘ini o‘z urug‘idek, qaynona-qaynotasini esa 
o‘z ota-onasidek hurmat-izzat qiladi.
Oilada ayolning sadoqati, ozodaligi, shirin muomalasi, ishbilarmonligi qizlar uchun namunadir. 
Onaning mehmon kutish, taom tayyorlash, muomala va kiyinish madaniyatiga rioya etish, bola 
tarbiyalash, ma‘naviy-madaniy savodxonligi qiz bola uchun oila maktabidir.
Ota-ona farzand oldida o‘z aql-zakovati, muomalasi, kiyinishi, shirin so‘zligi, qat’iyatliligi, 
yolg‘on gapirmasligi, mehnatsevarligi, oila yuritishda adolatparvarligi, ilmparvarligi bilan 
namuna bo‘lishi kerak. Bolaning ruhiyatiga ota-onaning o‘zaro janjallari, oilaga, jamiyatga, atrof-
muhitga salbiy munosabati, yolg‘on so‘zlashi, qatiyatsizligi, kiyinishida, ro‘zg‘or yuritishdagi, 
pala-partishligi, mehnatni sevmasligi, tezda o‘zining salbiy ta‘sirini ko‘rsatadi.
Ota-onaning bir-biriga nisbatan yuksak axloqiy munosabatini ko‘rgan, bilgan bola kelgusida 
oila qurganda ham o‘z turmush o‘rtog‘i bilan shunday yashashga tayyor bo‘lib boradi.
Ba’zi ota-onalar farzandining kelajagini faqatgina moddiy ta’minlashdan iborat deb biladi. 
Shuning uchun ham turli yo‘Ilar bilan uzoq avlod-ajdodlariga yetadigan molu-dunyo to‘plashga 
harakat qiladi. Ochko‘zlik kasaliga mubtalo bo‘ladi. Inson jismi-jonidagi kasalliklarni davolash 
mumkin, lekin bu kasallikni davolash juda murakkab. U insonni insoniylikdan mahrum etadi. Turli 
jinoyatlargi noaxloqiy hatti-harakatlar sodir etishga yetaklaydi. El-yurt ichida obro‘sizlantiradi. 
Bunday boylik farzandga baxt emas, baxtsizlik keltiradi.
Ota-onadan behisob molu-dunyo emas, ilmu-ma‘rifatga intilish, insof-u diyonatga sadoqat, 
mehru shafqat, hayotga muhabbat, xalq. Millat, vatan uchun jon-fidolik sifatlari meros bo‘lib 
qolmog‘i zarur. Bola uchun o‘z millati, madaniyati, san’ati, dini, axloqiy-ma’naviy qadriyatlari, 
oila an’analari, urf-odatlarini chuqur bilish va ulardan ma’naviy ozuqa olish, g‘ururlanish, 
tarbiyaviy xarakter kasb etadi.
Oilada farzandni tejamkorlikka, tadbirkorlikka, tashabbuskorlik o‘rgatish, dunyoviy ilmlar va 
hayot ilmidan voqif etish, kasb-hunar sirlarini qunt bilan egallashlari uchun shart-sharoit yaratib 
berish, ularning hayot so‘qmoqlarida adashib qolmasligi va ravon yo‘ldan borishda yordam beradi.
Xulosa qilib shuni aytishimiz mumkinki, xalqimizda shunday ibratli urf odatlar mavjudki, bu 
odatlarga har bir inson rioya etsa albatta u inson kelajakda hamma uchun namuna bo‘ladigan 
va ibratli komil inson bo‘lib yetishadi. Bu esa sog‘lom hayotning va sog‘lom turmush tarzini 
yaratishda muhim ahamiyatga egadir. Shunday urf odat va an’analari bilan har bir xalq faxrlansa 
arziydi.