Nasos stansiyasining konstruksiyasi va jamlanmasi reja

2.2. Nasos sexining yordamchi tizimlari
Magistral nasoslarni berilgan parametrlari bilan foydalanishni normal ta’minlash uchun quyidagi yordamchi tizimlar mavjud bo‘lishi zarurdir:

• sirt zichlamalarini yuksizlantirish va sovitish;
• podshipniklarni moylash va sovitish;
• sirt zichlamalari orqali oqib chiqqan suyuqliklarni yig‘ish;
• siqilgan havoni uzatish va tayyorlash;
• aylanma suv ta’minotini va suvni havo bilan sovitish;
• nazorat vositalari va nasos agregatini himoyasi.

Oraliq NQHSsida nasoslarni bog‘lanishini texnologik sxemasi: 1 –oqib chiqqan suyuqlik uchun sig‘im; 2 -oqib chiqqan suyuqlikni haydab chiqarish uchun nasos; 3 -asosiy nasoslar.
2.3. Nasos agregatining nazorat va himoya qilish vositalari
Asosiy nasos agregatini avtomatik himoyasi va o‘lchash sxemalari
Asosiy agregatlarni ishga qo‘shishda yordamchi jihozlarni ishga tushirish ham qatnashadi.
Nazorat-o‘lchov asboblari (yangi sotib olinadigan, ta’mirdan chiqarilgan va foydalanilayotganlari) o‘rnatilgan muddatlarda davlat tekshiruvidan o‘tkaziladi.
Davlat tekshiruvi davri oralig‘idagi NO‘A mexaniki asboblarni tashqi tomondan majburiy nazoratini quyidagi muddatlarda ishlatishni nazorat –sinovini olib boradi: ishlatilayotgan manometrlarni, termometrlarni va boshqa asboblarni-bir oyda 1 martadan kam emas; shitli (texnik) elektr o‘lchov asboblarini-3 oyda 1 martadan kam emas.
Siqilgan havoni uzatish va tayyorlash tizimi 
Havo uzatmalarini iste’moli, NO‘A qurilmalari va avtomatikalar uchun mo‘ljallangan. U kompressorning tarkibiy qismi hisoblanadi. Havoni tozalash maxsus filtrlarda amalga oshiriladi, quritish esa-avtomatik qurilmada (UOVB-5). Blok-boksdan tashqaridan kompressor yordamida olinadigan havo quritishdan oldin issiqlik almashgichlarda + 30 °S.gacha sovitiladi. Havoni sovitish uchun 0,2 - 0,5 m3/soat hajmidagi suv 0÷25 °S.da haroratda beriladi. Issiqlik almashgichdagi suvning bosimi 0,5÷0,6 MPa.dan oshib ketmaydi. NO‘Alarini va avtomatika tizimi ishdan chiqmasligi va buzilmasligi uchun havo doimiy ravishda tozalanadi va quritiladi.