Насос станцияси (НС)

19.2 – расм. Ер устида жойлашган насос станция биноси схемаси
1 – сўриш қувури; 2 – насос; 3 – қулфак; 4 – босим қувури; 5 – юк кутариш крани.


Ярми ер остида жойлашган насос станция биноси.
Бу бино тури сув манбаи сатҳининг ўзгариш амплитудаси насоснинг чегараланган сўриш баландлигидан ошганда қабул қилинади. Бу бинода насослар ерга нисбатан пастда жойлашган умумий пойдеворга ўрнатилади (19.3 - расм). Насослар сув сатҳининг минимал қийматига нисбатан пастда жойлашганлиги муносабати билан улар доимо сув билан тўлган ҳолда бўлади, бу эса насосларни ишга туширишни енгиллаштиради.



19.3 – расм. Ярми ер остида жойлашган насос станция биноси
1 – сўриш қувури; 2 – насос; 3 – қулфак; 4 – босим қувури; 5 – юк кутариш крани; 6 – электродвигател.

19.3 – расмда консолли марказдан қочма (а), “О” маркали ўқий (б) ва “Д” маркали горизонтал марказдан қочма насослар (в) билан жиҳозланган насос станциялар схемалари келтирилган

Бу биноларда асосан горизонтал марказдан қочма, “0” – маркали ўқий насослар, баъзи ҳолларда сув бериш унумдорлиги 4 м³/с дан кам бўлган вертикал “В” маркали марказдан қочма насослар ўрнатилади.


Блокли насос станция биноси.
Бу турдаги бинолар сув сатҳи ўзгаришининг ҳар қандай қийматларида қабул килинади. Бинода вертикал “ОП” ва ”В” маркали сув бериш унумдорлиги 4 м³/с дан катта насослар ўрнатилади. Баъзи ҳолларда йирик маркали “Д” горизонтал насослар қўлланилиши мумкин. Насослар эгилган тирсаксимон сўриш қувурларига эга бўлиб, уларда сув оқими бошдан охиригача алоҳида блокли сув оқиш трактидан ўтади (19.4 – расм). Бинода насослар сув сатҳидан пастда жойлашган бўлиб, сув қабул қилиш иншооти бино билан қўшиб қурилади. Агар бинода паст напорли насослар ўрнатилса, баъзи ҳолларда бино сув чиқариш иншооти билан ҳам қўшиб қурилиши мумкин.

19.4 - расм. Блокли насос станция биноси схемаси.
а) “ОПВ” маркали ўқий насослар ўрнатилган бино; б) “В” маркали вертикал марказдан қочма насослар ўрнатилган бино; 1 – сўриш қувури; 2 – насос; 3 – қулфак; 4 – босим қувури; 5 – юк кутариш крани; 6 – электродвигател.