Насос станцияси (НС)

19.5 – расм. Насос станция биноси горизонтал текисликда жойлашиши (плани).
1- машиналар зали; 2-монтаж майдончаси; 3- энергия тақсимлаш хонаси; 4- бошқарув пульти ва навбатчилар хонаси; 5 – дарвоза; 6 – сўриш қувури; 7 – насос агрегати; 8 – қулфак; 9 - тескари клапан; 10 - босим қувури.

Монтаж майдончаси эни бино энига тенг, узунлиги эса насослар орасидаги масофанинг бир ярим бараварига тенг. Ёрдамчи хоналар учун ажратиладиган майдон қуйидагича қабул қилинади:

а) двигатель қуввати 250 кВт гача бўлса, W_{ёр. хон.}=54 - 60 м²
б) двигатель қуввати 250 - 1000 кВт булса, W_{ёр. хон.}= 180 - 200 м²
в) двигатель қуввати 1000 - 2000 кВт булса, W_{ёр. хон.}= 280 - 300 м².
Агар двигатель қуввати 2000 кВт дан ошса, ёрдамчи хоналар майдони алоҳида ҳисоблар билан аниқланади.
Бино ўлчамлари қуйидагича аниқланади.
L_{м. м.} монтаж майдончаси узунлиги, м;
L_{маш.зали}  машиналар зали узунлиги, м;
L_{ёр. х.}  ёрдамчи хоналар узунлиги, м;
L_{м. м}= 1,5· L₁ , м. L₁ – насослар ўқи орасидаги масофа;
L_{маш. зали} = L_н ·n + (n – 1) a + b, м. n – насослар агрегатлари сони,
L_н – агрегат узунлиги, м;
L_{ёр. хон.} қиймати В_н.с. нинг стандарт қиймати ва W_{ёр. хон.} қийматларидан келиб чиқади; l₁ = 1,0 ÷ 1,2 м; l₂ = 1,5 ÷ 2,0 м


Насос станция биносининг вертикал текисликда жойлашиш шартлари
а) ер ости қисми бўйича.
- бино ер ости қисмининг энг юқори сатҳи пастки бъеф максимал сув сатҳидан 0,6 ... 1,0 м баландда жойлашиши керак;
- бино тубининг қалинлиги пастки бъефда сув чуқурлигининг 10% идан кам бўлмаслиги керак;
- агар бинода горизонтал марказдан қочма насослар ўрнатилса, улар ўрна-тиладиган пойдевор баландлиги 0,2 – 0,3 м ни ташкил қилади;
- бино ер ости қисмининг баландлиги пастки бъеф сатҳлари ўзгариш амплитудасига боғлиқдир.
б) ер усти қисми бўйича.
Бино ер усти қисми бир қаватли машиналар зали, монтаж майдончаси, ёрдамчи хоналардан иборат. Бино баландлиги 4,8 метрдан ошганда барча ёрдамчи хоналар қўшимча бинога кўчирилади.