«nashriyot uyi tasvir»

Administrator (Администратор, Administrator) — 1) tizimda ishlash va uni boshqarish uchun keng huquqlarga ega mutaxassis — xodim; 2) masofadan o'qitish kurslarini ularning mualliflari nomidan boshqaruvchi shaxs. Mualliflar bilan doimiy aloqada bo'lish bilan birga, o'quv materiallarini yangilash, ulardan foydalanishga o'quvchilarga ruxsat berish masalalari bilan ham shug'ullanadi.
Akkaunt (Аккаунт, Account) — so'zma-so'z tarjimasi "qayd yozuvi” — foydalanuvchining kompyuter xotirasida saqlanadigan tavsifi. Odatda, u foydalanuvchining tarmoqdagi nomi, haqiqiy nomi, paroli, huquqlari va uy katalogining nomidan (agarda mavjud bo'lsa) tarkib topadi.
Brauzer (Браузер, Browser) — internet bilan ishlashni ta'minlaydigan dastur.
Domen nomi (Имя домена, Domain name) — 1) lokal yoki global tarmoq (Internet) serverlaridan birida joylashgan sayt manzili yoki sayt nomi. Domen orqali sayt joylashgan xosting va baza bilan bog'lanish mumkin; 2) axborot resursi yoki tizimiga berilgan, ularni internet jahon axborot tarmog'ida identifikasiyalash uchun xizmat qiladigan noyob nom.