Наряд тизими Режа

Наряд тизими
Режа:

1. 
   Кириш. Наряд тизими тушунчаси
   
2. 
   Наряд тизимининг асосий максади
   
3. 
   Наряд тизимининг ишлаши
   

Кириш
“Наряд тизими” тўғрисидаги мазкур Низом (кейинчалик матн бўйича Наряд тизими) ишлар раҳбарлари ва ижрочиларининг мажбуриятлари, ҳуқуқлари ва жавобгарликларини аниқ тақсимлаш ҳисобига, ишларнинг хавфсиз бажарилишини ташкил қилиш ҳамда амалий назоратини таъминлаш мақсадида ишлаб чиқилган.
Наряд тизими наряд тизимининг моҳияти ва уни амалга ошириши, ишлашининг принциплари, ходимларнинг ҳаракатлари ҳамда ишларнинг алоҳида турларига нарядлар берилишининг хусусиятлари тўғрисида тушунча беради.
Мазкур Низом корхона бош директорининг буйруғи билан амалга киритилади.
Атамалар ва таърифлар
Наряд тизими – ишларнинг хавфсиз ва самарали амалга оширилишини таъминлайдиган ишларни ташкил қилишнинг шакли. Наряд тизимини қўллашнинг асосий объекти – ишлаб чиқариш участкаси (цех, хизмат ва шу кабилар).
Наряд – бу Нарядларни бериш китобида (1-иловага қаранг) ёзма расмийлаштирилган, ишлар раҳбарига берилган, ижрочиларнинг шахсий ва сон таркибини, ишларнинг мазмуни, тартиби, жойи ҳамда бошланиш ва тугаш вақтларини, уларни хавфсиз бажарилишининг зарур ва етарли шароитларни ҳамда нарядда кўзда тутилган ишларни ижро этилиши учун масъул аниқ шахсларни, ишларни хавфсиз бажариш бўйича кўрсатмаларни белгилаб берадиган ишларни амалга оширишнинг тартиби.
Наряд бўйича амалга ошириладиган ишлар хавфсизликнинг тегишли қоидалари билан аниқланади.
Топшириқ – бу Топшириқлар журналига ёзма расмийлаш-тирилган, бевосита раҳбар томонидан ижрочиларга (бригадага, звенога, алоҳида ходимга) берилган, ишларнинг (сменанинг) мазмуни, бошланиш ва тугаш вақтларини, ишларнинг бажарилиш жойи, ижрочиларнинг таркиби, уларнинг касблари ҳамда разрядларини, ишларнинг хавфсизлигини таъминловчи чора-тадбирларни белгилаб берадиган амалга ошириладиган ишларни бажариш тартиби. Топшириқ бир марталик характерига эга ва у бўйича ишларнинг давомийлиги ижрочиларнинг иш куни (сменаси) билан чекланади.