Наргис Қосимова

Назорат учун саволлар: 
1.Компьютер вируслари тушунчасининг келиб чиқиш тарихини сўзлаб 
беринг. 
2. Компьютер вирусларини таснифланг. 
3. Қайси антивирус дастурлари бугунги кунда долзарбдир? 
2.5.
 
МЕДИАЭКОЛОГИЯ ВА УНИНГ ИНТЕРНЕТ 
ХАВФСИЗЛИГИДАГИ ЎРНИ 
 
Режа: 
1.
 
Медиаэкология тушунчаси ва унинг ахборот хавфсизлигини 
таъминлашда тутган ўрни 
2.
 
Медиаэкологиянинг вужудга келиши тарихи 
3.
 
Медиаэкология даражалари 
Тавсия этиладиган адабиётлар: 
 
1.
 
Қосимова Н. Интернет журналистиканинг технологик асослари. 
-Т.: 2012. 24 б. 
2.
 
Гилман Р. Экология медиа: от устных сказаний к 
телекоммуникациям. 
http://osvita.mediasapiens.ua/ethics/standards/ekologiya_media 
3.
 
Neil Postman. The Reformed English Curriculum. 
https://www.reddit.com/r/Scholar/comments 
4.
 
История медиаэкологии. Часть 3: Чем эта наука все-таки 
занимается? http://media-ecology.blogspot.com/2011/04/3.html 
 
Калит сўзлар:
медиатаълим, медиасаводхонлик, медиэкология, 
оммавий ахборот воситалари, ахборот хавфсизлиги, интернет. 
Шиддат билан ривожланиб бораётган ахборот асри бугунги кунда ҳар 
бир юртдошимиздан қабул қилаётган ахборотини таҳлил этишни тақозо 
этади. Бунинг бир нечта сабаблари бор. Биринчидан ахборотнинг кўплиги ва 
вақтнинг камлиги маълумотни фойдали ёки фойдасизга ажратишни, 
77
Қосимова Н. Интернет журналистиканинг технологик асослари. -Т.: 2012. 24 б. 

---

91 
иккинчидан унинг сиёсий ва ижтимоий жиҳатдан хавфсизлигини ажрата 
олиши лозим. Бунда медиасаводхонлик тушунчаси долзарблашади ва ҳар бир 
инсон жамиятдаги фуқаро сифатидаги масъулиятини ҳис қилган ҳолда фаол 
ва саводли бўлиши, медиаматнларни қабул қила олиши, яратиши, таҳлил 
эта олиши ва баҳолаши, замонавий медиани ижтимоий-маданий ва сиёсий 
мазмунини тушуна олиши сифатида намоён бўлади. Медиатаълим, 
медиасаводхонлик билан бир қаторда бугунги кунда медиэкология
тушунчаси тез тез тилга олинмоқда. Хўш, медиаэкология нима? 
Аксарият ҳолатларда “экология” сўзи инсоннинг табиат билан ўзаро 
муносабатларини ўрганишда қўлланилади. Аммо аниқроқ қилиб айтадиган 
бўлсак, экология бу инсонни ўраб турган муҳитни, у хоҳ табиат бўлсин, хоҳ 
жамият, ўрганувчи фандир. Замонавий инсон учун уни ўраб турган атроф-
муҳит биринчи галда коммуникация жараёнида иштирок этувчи воситалар, 
одамни ўраб турган, унинг ҳаётига бевосита ва билвосита таъсир 
кўрсатадиган ахборот маконидир. Айнана ана шу муҳитни, унинг 
ифлосланганлик ва инсонга таъсир даражасини ўрганувчи йўналиш 
медиаэкологиядир.