Наргис Қосимова

Дизайн-концепцияни тасдиқлаш тартиби. 
Дизайн-концепция деб, 
бош саҳифанинг ва ички саҳифаларнинг график безалиши тушунилади 
(композицияси, ранги, шрифтлари, навигацияси). Дизайн-концепция 
томонлар келишувига биноан бир неча файлларда қоғозга чиқарилган 
ҳолатда тақдим этилади. Агарда Бажарувчи томонидан тақдим этилган сайт 
дизайни Буюртмачининг талабини қондирса, уни тақдим этилган кундан 
бошлаб 5 иш куни давомида тасдиқлайди. Агарда қўйилган талабларга жавоб 
бермаса, Буюртмачи қўшимча ўз талабларини Бажарувчига тақдим этади. 
Барча қўшимчалар сайтнинг дастурий модуллари билан параллель равишда 
бажарилади. Дизайн-концепция қабул қилинганидан сўнг киритиладиган 
ўзгартиришлар икки томон келишувига асосан амалга оширилади. 
Сайтни бошқаришга қўйиладиган талаблар. 
Сайтнинг бош 
саҳифаси график қисмидан, навигация менюсидан ва фойдаланувчи бир 
киришдаёқ ташкилот ҳақида ўзига зарур маълумотни олиш, сўнгги 
янгиликлар билан танишиши учун зарур контентдан иборат бўлиши лозим. 
Биринчи саҳифа контенти (мазмуни) қуйидаги бўлимлардан ташкил топади: 
“Таҳририят ҳақида”, “Янгиликлар”, “Рукнлар” (унга “Сиёсат”, “Иқтисодиёт”, 
“Жамият”, “Спорт” ва бошқалар), “Махсус саҳифалар”, “Ҳужжатлар” ва 
ҳоказолар кириши мумкин.
Ташкилот телефони ва e-mail, саҳифанинг юқорисида сайтнинг асосий 
пунктларига кириш имконини берувчи навигацион панел, тиллар (ўзбек, рус, 
инглиз ва ҳоказо), ҳисоблагичлар ва ҳаволалар алмашиш саҳифасига ҳавола 
кўрсатилади.
Сайтнинг маъмурий қисмига рухсат олиб, кириш учун маълум бир 
манзални кўрсатиб, авторизациядан ўтиш керак. Маъмурий қисмнинг бош 
саҳифаси менюнинг қуйидаги пунктларини ўз ичига олади:
- сайт саҳифалари (сайт таркибининг биринчи даражасига мувофиқ):
-ташкилот ҳақида 
- янгиликлар ва ҳоказо. 
Сайт бўлимларини бошқариш учун қуйидаги функциялар бўлиши 
лозим: 
- 1 даражадаги бўлимостини яратиш; 

---

113 
- 2 ва ҳоказо даражали бўлимостини яратиш; 
- сайт контентини таҳрир қилиш; 
- бўлимни ўчириб ташлаш; 
- бўлимни рўйхатнинг бошига ўтказиш; 
- бўлимни рўйхатнинг охирига ўтказиш; 
- сайтнинг мижозлар бўлимида кўрсатиш белгиси (show) ёки 
кўрсатмаслик белгиси (hide); 
- танланган даражадаги бўлимлар рўйхатини кўрсатиш.