Намуна вилоят ҳокимининг 2020 йил январдаги сон қарорига 2-илова Хоразм вилоят умумтаълим мактаб ўқувчилари ўртасида ўтказиладиган “Ижодкор ихтирочи болалар” танловининг

НАМУНА
Вилоят ҳокимининг 2020 йил ____-январдаги ____ -сон қарорига 2-илова

Хоразм вилоят умумтаълим мактаб ўқувчилари ўртасида ўтказиладиган “Ижодкор - ихтирочи болалар” танловининг
Низоми

1. 
   Умумий қоидалар
   

Ўзбекистон Республикаси Президенти томонидан илгари сурилган бешта муҳим ташаббус доирасида Хоразм вилоят халқ таълими муассасалари ўқувчилари ўртасида компьютер технологиялари ва интернетдан самарали фойдаланишни ташкил этиш мақсадида «Ижодкор-ихтирочи болалар» кўрик–танлови вилоятимизда фаолият кўрсатаётган умумтаълим муассасалари иқтидорли ўқувчи ёшлари ўртасида бўлиб ўтади.


II. Танловнинг мақсади
Танловни ўтказишдан мақсад, вилоятимизда фаолият кўрсатаётган умумтаълим муассасалари ўқувчи ёшларининг ижодкорлик қобилиятларини ошириш, маънавий дунёсини бойитиш, шунингдек, Президентимиз томонидан илгари сурилган 5 та ташаббуснинг учинчи ташаббуси - ўқувчи талабалар ўртасида компьютер технологиялари ва интернетдан самарали фойдаланишини ташкил этиш бўйича амалга оширилаётган ишлар самарадорлигини ошириш, ахборот-технологияларига бўлган эътиборни кучайтириш, мактабларда информатика фанини ўқитилишини яхшилаш ва ноёб истеъдод эгаларини излаб топиш, уларни тарғиб қилишдан иборат.


III. Танловни ўтказиш босқичлари
Биринчи босқич: Туман (шаҳар)лардаги таълим муассасалари ўқувчилари ўртасида бўлиб ўтади. Иштирок этган мактаб ўқувчилари жамоалари орасида ғолиб аниқланиб, вилоят босқичига йўлланма олади.
Иккинчи босқич: Вилоят миқёсида бўлиб ўтади. Унда туман (шаҳар) таълим муассасаларидан келган ўқувчилар жамоаларининг ғолиблари иштирок этадилар.