Namanganmuhandislik-teхnologiya instituti

Tajriba 2.Kislotali oksid va uning kislotasini xosil qilish.
(tajriba mo’rili shkafda bajariladi)

Toza shisha stakanchaga ozroq distillangan suv solib, unga 1-2 tomchi metiloranj eritmasidan tomizing. So’ngra metall qoshiqchaga oltingugurt kukunidan solib, uning spirt lampa alangasida yondiring. YOnib turgan oltingugurtni qoshiqchasi bilan suv solingan stakanga sekin suvga tegizmasdan tushirib, stakan og’zini shisha plastinka yordamida berkiting.

Oltingugrt yonish natijasida xosil bo’lgan alanga rangiga va chiqayotgan gazning hidiga e’tibor bering. Stakanning og’zini qaytadan shisha plastinka bilan yopib, chayqatib turgan holda oltingugurt(IV)-oksidini suvda eriting va eritma rangining o’zgarishini kuzating. Oltingugurt yonish reaktsiyasi va xosil bo’lgan oksidning suvda erish reaktsiya tenglamalarini yozing.