Namangan viloyati Xalq ta’limi boshqarmasi To’raqo’rg’on tumanidagi 17-sonli Davlat ixtisoslashtirilgan maktab-internatining

O’zbekiston Respublikasi

Xalq ta’limi vazirligi

Namangan viloyati

Xalq ta’limi boshqarmasi

To’raqo’rg’on tumanidagi 17-sonli Davlat

ixtisoslashtirilgan maktab-internatining

8-A sinf tarbiyachisi

USMONOV ODILJONnING

ma’naviyat soati mashg’ulotidan “buyuk allomalarning ma’naviy qarashlari”mavzusida tayyorlagan bir soatlik



Dars mavzusi: “Buyuk allomalarning ma’naviy qarashlari’’

Dars maqsadi:

a) ta`limiy maqsad: o`quvchilarga allomalarning asari haqida ma`lumot berish, ma’naviy qarashlari bilan tanishtirish.

b) tarbiyaviy maqsad: o`quvchilarni ajdodlarga hurmat ruhida tarbiyalash,ularni har doim to`g`ri bo`lishga, yolg`on so`zlamaslikka o`rgatish;

V) rivojlantiruvchi maqsad: o`quvchilarda mavzu yuzasidan bilim,

ko`nikma va malakalar hosil qilish, o’zlari o’qigan asarlar yuzasidan xulosalar chiqarishga o’rgatish.

Dars uslubi: An’anaviy

Dars jihozi: Alisher Navoiy va Bobur suratlari,tezkor savollar ro`yxati,mavzuga doir slaydlar, .

Dars rejasi quyidagi slayd asosida ko`rsatiladi:

1. A.Navoiyning hayot yo’li va ma’naviy qarashlari.

2. “Hayrat ul-abror” dostoni.

3. Asar g`oyasi va tarbiyaviy ahamiyati.

Tashkiliy qism:

a)salomlashish;

b)davomatni aniqlash;

s)sana sharhi;

d)ajdodlarni xotirlash- muqaddas qadriyat.

O`qituvchi:

-Aziz o`quvchilar ,bugungi sanamizni kim eslatib o`tadi?

O`quvchi:

aprel oyining 1-kuni.

O`qituvchi:

-O’quvchilar,biz fevral oyida qaysi buyuk siymolarning tavallud ayyomlarini nishonlaymiz?

O`quvchi:Bobokalonlarimiz Alisher Navoiy va Zahiriddin Muhammad Boburning.

O’qituvchi Boburning quyidagi mashhur ruboiysini ifodali o`qiydi:

Tole` yo`qi jonimg`a balolig` bo`ldi,

Har ishniki ayladim , xatolig` bo`ldi,

O`z yerni qo`yib Hind sori yuzlandim ,

Yo Rab, netayin, ne yuz qarolig` bo`ldi.

-o`quvchilar bu ruboiy kimning qalamiga mansub?

- Zahiriddin Muhammad Boburning.

_To`g`ri topdingiz,bu ruboiy shoh va shoir bobomiz Bobur qalamiga mansub. Bugungi darsimiz bevosita Navoiy ijodiga doir bo`lganligi uchun darsimizning kirish qismida buyuk ajdodimiz, hamyurtimiz Boburmirzoni yodga olamiz.(Quyidagi slayd asosida Bobur haqida qisqacha suhbat tashkil etiladi)

Aziz o’quvchlar , endi darsimizning asosiy qismiga o`tsak.Biz o`tgan darsimizda siz bilan Alisher Navoiy hayoti va ijodi haqida gaplashganmiz. Bugun bir necha usullar asosida siz shoir hayotiga doir ma`lumotlarni qanday egallaganligingizni sinaymiz. 1-usul Blits so`rov usuli .Bu usulda siz shoir ijodiga doir savollarga tezkorlik bilan javob berasiz.(Savollardan namuna 2-slaydda ko`rsatilgan.O`quvchilarning har bir to`g`ri javobi bir ballik sistemada baholanadi.)

2-usul.Bu usulimiz” Sonlar tilsimi” deb nomlanadi. Bu topshiriqda siz berilgan yillarga qisqacha izoh yozasiz. Topshiriq asosida shoir hayotiga doir muhim sanalarni qay darajada egallaganligingiz aniqlanadi.

O`quvchilar bajargan topshiriqlar quyidagi slayd asosida tekshiriladi.To`g`ri bajarilgan har bir javobga 1 baldan beriladi.

O`qituvchi o`quvchilarning fikrlarini umumlashtiradi:

-O`quvchlar , mana siz buyuk shoirning bolaligi, hayot yo`li haqida ma`lumotga ega bo`ldingiz.Shoir haqli ravishda daho ijodkordir.U o`zining boy adabiy merosi,go`zal lirik she`rlari bilan o`zbek adabiyotiga ulkan xissa qo`shdi . O`zining “Muhokamat ul-lug`atayn” asarida esa turkiy til bilan fors-tojik tilini qiyoslab turkiy tilning ham go`zal va boy til ekanligini isbotlab berdi va o`zining mashhur “Xamsa “ asarini shu tilda yaratdi.

Davlat arbobi sifatida ham ulkan ishlarni amalga oshirdi. Do`sti Husaynni davlatni har vaqt adolat bilan boshqarishga da`vat etib, o`z hisobidan madrasalar,shifoxonalar,yo`llar,hammomlar qurdirdi, ilm-u

fan ahliga homiylik qildi.

O`qituvchi shoirning serqirra hayot faoliyatini klaster usulida tushuntirib fikrini yakunlaydi.

Baholash

O`quvchilar to`plagan ballar umumlashtirilib, o`quvchilar baholanadi.

Vazifa:

Mavzuni mustahkamlash va insho yozib kelish.