Namangan viloyat adliya boshqarmasi axboro t

2022-yil 25-mart 08-1/34-son

Namangan viloyat adliya boshqarmasi

A X B O R O T
2022-yil 16-martdagi 8-1/130-sonli
topshiriq xat ijrosi yuzasidan

O‘zbekiston Respublikasi Adliya vazirligi tomonidan “Sog‘liqni saqlash va ta’lim tizimi xodimlarining huquqlarini himoya qilish” huquqiy aksiyasi doirasida joriy yilning 15-mart-15-may kunlari sog‘liqni saqlash va ta’lim tizimi xodimlarining huquq va manfaatlariga rioya etilishi ahvolini o‘rganish yuzasidan aksiya e’lon qilingan.

Uychi tuman adliya bo`limi tomonidan mazkur aksiya doirasida Uychi tuman xalq ta`limi bo`limiga qarashli umumta`lim maktablaridagi C1 darajadagi milliy yoki unga tenglashtirilgan mos darajadagi xalqaro tan olingan sertifikatga ega o`qituvchilarning murojaatlariga asosan ularga O`zbekiston Respublikasi Prezidentining 2021-yil
19-maydagi "O`zbekiston Repspublikasida xorijiy tillarni o`rganishni ommalashtirish faoliyatini sifat jihatidan yangi bosqichga olib chiqish chora-tadbirlari to`g`risida"gi
PQ-5117-son Qarori talablari asosida oylik ish haqlariga qo`shimcha ustamalar to`lab borilishi holati monitoring tarzida tahlil etildi.
Monitoring yakuniga ko`ra 2021-yil sentyabr-dekabr oylari hamda 2022-yil yanvar oyi uchun Uychi tumandagi C1 sertifikatga ega rus tili fani o`qituvchilariga ja`mi
285 076 102 so`m ustama haqlari to`lanmay kelingan. Bo`lim tomonidan tuman xalq ta`limi bo`limiga to`lanmagan ustama haqlarini to`lab berish bo`yicha ogohnoma kiritilgan bo`lsada, xalq ta`limi bo`limi tomonidan byudjet mablag`lari ajratilmaganligi sababli ushbu ustama haqlarini to`lash imkoniyati yo`qligi ma`lum qilindi.
Shu bois tumandagi umumta`lim maktablarida ishlovchi 26 nafar C1 darajadagi milliy yoki unga tenglashtirilgan xalqaro sertifikatga ega rus tili fani o`qituvchilari manfaatlari yuzasidan tuman adliya bo`limi tomonidan fuqarolik sudiga da`vo arizalari kiritilishi ta’minlandi.
Bo’lim tomonidan aksiya doirasida belgilangan vazifalar ijrosi yuzasidan har haftaning juma kuni axborot berib borilishi ma’lum qilinadi.


Bo‘lim boshlig‘i v.v.b. B.Qodirov