Namangan muhandislik qurilish

18.8-rasm. Yarim o’q va flanetsni urishini, hamda shlitsa tishlarini yeyilganligini 
tekshirish. 
Yetaklovchi tishli g‘ildirak stakani siqish jihoziga o’rnatilib, mahkamlash 
uzeli qismlarga ajratiladi va podshipnik ostidagi qistirmalarning qalinligi 
o’zgartiriladi. So’ngra yi’gilib, birikmaning mahkamlash darajasi dinamometrda 
tekshirilgan holda mahkamlanadi. Asosiy uzatma shesternyalari ilashishidagi 
tutashish va yon tirqish bo’laklar almashtirilganda, podshipniklar haddan ziyod 
yeyilganda ta’mirlanib rostlanadi. 
3.1
 
3. Avtomobil osmasini diagnostikalash jihozlari. 
Osma holati maxsus jihozlar yordamida diagnostikalanadi va nosozliklarni 
bartaraf etish uchun ularga texnik xizmat ko’rsatiladi.
Osmalar holati, texnik xizmat ko’rsatish cho’gida tashqi ko’rikdan o’tkazilib, 
ularning mahkamlanishi esa kuch qo’yish orqali tekshiriladi. Ressoraning 
uzangisimon tortqilari va xomutlaridagi gaykalarni bir tekisda, avval oldingilari 
(avtomobilning harakatlanishi bo’yicha), so’ng keyingilari gayka kalitlari 
yordamida tortib qo’yiladi. 
Ressorlarning elastikligi ularning erkin holatdagi yoysimonligi bo’yicha 
tekshiriladi. Bu ko’rsatkichni ressora uchlari orasida ip tortib va ipdan egilgan 
o’zak listning o’rtasigacha bo’lgan tik masofani o’lchab aniqlash mumkin. 
Avtomobil osmalaridagi ressoralar bir-biridan yoysimonlik bo’yicha 10 mm dan 
ko’p farq qilmasligi kerak.
Diagnostikalash jihozlari avtomobilning ishlash jarayonini, ya’ni ramaning 
g‘ildirak bilan birdaniga pastga tushishini, kuzovning tebranishlarini o’zida 
namoyon eta oladi. Diagnostikalash kuzovning erkin tebranishlari bo’yicha yoki 
osmaga vaqti-vaqti bilan ta’sir etadigan qo’z’gatuvchi kuchlar ta’siri to’xtagandan 
so’ng yuzaga keladigan yuqori chastotali rezonans tebranishlari bo’yicha olib 
boriladi va baholanadi. Amortizatorni tekshiruvchi K-491, Elkon L-100 va boshqa 
jihozlar mavjud.