Namangan muhandislik- texnologiya instituti

Nazorat va muhokama uchun savollar

1. 
   Innovatsion marketing texnologiyalarini o‘ziga xos xususiyatlari nimadan iborat?
   
2. 
   Eksportni amalga oshirishda tarmoq marketingini ahamiyati?
   
3. 
   Eksport tovarlarni brendlashni ahamiyatini izohlang?
   
4. 
   Kross-marketing bu nima?
   

12-mavzu

O`zbekiston milliy innovatsion tizimi

Reja:
1. O`zbekiston milliy innovatsion tizimi va uning ahamiyati.
2. Fan, ta`lim va ishlab chiqarish integratsiyasi.
3. O`zbekistonning jahon bozoridagi fan sig`imi yoqori mahsulotlardagi roli va o`rni.
4. O`zbekiston Respublikasida texnologik innovatsiyalar.


1. O`zbekiston milliy innovatsion tizimi va uning ahamiyati
Barcha mamlakatlar shu jumladan, O’zbekiston uchun ham zamonaning eng dolzarb iqtisodiy ta’limotlaridan biri hisoblangan innovatsiyalarning iqtisodiy nazariyasi hozirda o’zining shakllanish bosqichida. Shu bois zamonaviy innovatsiya nazariyalarining asosiy mazmunini bir tizimga keltirish muammolari dolzarb bo’lib turmoqda.

Yurtimizda ham iqtisodiyotda tub o’zgarishlarni amalga oshirish, modernizatsiya va diversifikatsiya jarayonlarini izchil davom ettirishga katta e’tibor qaratilmoqda. Xususan, Birinchi Prezidentimiz I.A. Karimovning “O’zbekistonda amalga oshirilayotgan investitsiya siyosatining o’ziga xos xususiyati mahalliy xomashyo resurslarini chuqur qayta ishlashni ta’minlaydigan, yuqori texnologiyalarga asoslangan yangi ishlab chiqarishlarni tashkil etishga qaratilgan investitsiya loyihalariga ustuvor ahamiyat berilayotganida namoyon bo’lmoqda” – deb ta’kidlagan so’zlaridan ham mamlakatimizda innovatsion iqtisodiy-siyosatga nechog’lik ahamiyat berilayotganini bilish mumkin.²⁰

O’zbekiston Respublikasining Ma’muriy islohotlar kontseptsiyasiga asosan, mamlakatimizda intellektual va texnologik salohiyatni oshirishning uzoq muddatli stsenariylarida asosiy yo’nalish-innovatsiyalarni rivojlantirish, korxonalarda innovatsion faoliyat bilan faol shug’ullanishni rag’batlantirish ko’rsatib o’tilgan. Bu iqtisodiyotning ustuvor soha va tarmoqlarini innovatsion rivojlantirishning yangi modellarini shakllantirish imkonini beradigan strategik milliy innovatsiya tizimini yaratish bilan bog’liq.
Haqiqatan ham, milliy innovatsiya tizimi ilm-fan, sanoat va jamiyat o’rtasida shunday uzviy munosabatlar tizimini shakllantiradiki, unda innovatsiyalar iqtisodiyotni rivojlantirish uchun asos bo’lib xizmat qiladi, innovatsion taraqqiyot ehtiyojlari esa ilmiy faoliyat ravnaqini belgilab beradi va rag'batlantiradi. Shu bois barcha mamlakatlar milliy innovatsiya tizimiga tayangan holda milliy raqobatbardoshlikning yuqori darajasiga erishish va saqlab turish siyosatini olib borishadi.
Milliy innovatsiya tizimining birinchi kontseptual poydevori o’tgan asrning 80-yillarida yaratilgan. Lundvall, Frimen va Nelson uning asosiy maqsadlarini ta’riflab berishgan. Ularning xulosalari zamonaviy iqtisodiyotni taraqqiy ettirishning asosiy omili biznesni rivojlantirish manfaatlaridagi innovatsiyalar va ilmiy tadqiqotlar ekanligi, institutsionallik innovatsion faoliyat mazmuni va tuzilmasiga ta’sir qiluvchi omil hisoblanishi va ilmiy bilim iqtisodiyotni rivojlantirishda muhim rol o’ynashi to’g’risidagi g’oyalardan iborat bo’lgan. Innovatsion rivojlanish samaradorligi ko’rsatkichlarini o’zgarishi quyidagicha (12.1-jadval).


12.1-jadval