Namangan muhandislik- texnologiya instituti

2. Eksportni amalga oshirishda tarmoq marketingi.
Tarmoq marketingi bu - kompaniyaning mustaqil vakillari yoki distribyutorlar tomonidan mahsulot yoki xizmatlar haqida axborotni to‘g‘ridan-to‘g‘ri tarqatish bilan bog‘liq biznes. Tarmoq marketingining asosiy vazifasi maksimal sondagi odamlarni axborot bilan qamrab olish hisoblanadi. Tarmoq marketingining zamonaviyroq sanalgan MLM (Multi-Level Marketing) tushunchasi «Ko‘p tarmoqli marketing» sifatida izohlanadi. Tarmoq marketingida mahsulot yoki xizmatni tarqatishga juda ko‘p odam jalb qilinadi. Tarmoq marketingi sohasida faoliyat yuritadigan juda ko‘p kompaniyalar mavjud. Har qanday mahsulot yoki xizmat bugungi kunda tarmoq marketingi tizimi yordamida tarqatiladi¹⁷
Tarmoq marketingi to‘g‘ridan-to‘g‘ri sotuv usuli bilan chakana savdoning eng tarqalgan varianti. Tarmoq marketingi uchun tovar ishlab chiqaruvchi va sotuvchi o‘rtasida ulgurji savdo firmalari yo‘qligi xarakterli tovarning butun harakati yangi ustama narxlar yuzaga keltirmagan holda tarqatuvchilar tarmog‘ida ro‘y beradi. Keng tarmoqlangan tarqatuvchilar tarmog‘i vujudga keladi. Tovar ishlab chiqaruvchi kompaniya sotuv hajmini oshirganlik uchun qo‘shimcha chegirmalar taqdim etgan holda tarmoqning o‘sishini rag‘batlantiradi. Tarmoq marketingida qoidaga ko‘ra ommaviy axborot vositalarida reklama kampaniyalari o‘tkazilmaydi -sotuvchining o‘zi tovarni xaridorga taqdim etadi, tovar xususiyatlari haqida ma’lum qiladi, uning afzalliklarini namoyish etadi.
Tarmoq marketingi bu – tovar va xizmatlarni inson bilan insonning bevosita aloqaqilishidan foydalangan holda ishlab chiqaruvchidan iste’molchiga etkazib berish ko‘zda tutilgan tarmoq (ko‘p pog‘onali) korxona yaratishni nazarda tutadigan marketing konsepsiyasi. Tarmoq marketingi harakatlantiruvchi kuch sifatida amal kiladi.