Наманган давлат университети

 
Қисқача хулосалар 
 
1. Ўзбекистон шароитида кичик бизнес корхоналарини барпо этиш 
орқали мустақил хўжалик юритувчи мулк эгалари шаклланди. Бизнеснинг 
бошқа ташкилий-иқтисодий шаклларидан фарқли равишда мазкур кичик 
корхоналарни ташабусскор ишбилармон шахслар бошқариб, турли 
бюрократик элементларнинг хўжалик фаолиятига аралашувидан холос этади. 
Кейинги йилларда кичик бизнес тараққиѐтининг кескин авж олиши 
натижасида уларнинг мамлакатда яратилаѐтган ялпи ички маҳсулот 
салмоғидаги улушининг ортиб бораѐтганлиги билан изоҳлаш мумкин. 
2. Кичик бизнес иқтисодиѐтнинг шундай секторидирки, у инвестиция 
муҳитида юз бераѐтган деярли барча ўзгаришларга мослашади. Кичик бизнес 
нуқтаи назаридан инвестиция муҳитининг жозибадорлик даражасини 
аниқлаш учун бутун мамлакат ва минтақалардаги иқтисодий вазиятни 
кўрсатувчи омиллар, иқтисодиѐтнинг бу тармоғига инвестициялар киритиш 
қонунлар ва инфратузилмалар билан қанчалик таъминланганлиги, минтақада 
бозор инфратузилмасининг ривожланиш даражаси, малакали ишчи кучининг 
мавжудлиги, шунингдек, мана шу ва бошқа омиллар билан боғлиқ хатарлар 
бор ѐки йўқлиги ғоят муҳимдир. 
3. Хусусий тадбиркорликни ва бу соҳага инвестицияларни жалб этишни 
ривожлантириш учун қулай шарт-шароитларни таъминлайдиган давлат 
сиѐсатини амалга ошириш институциявий ва ҳуқуқий тизимни доимий 
равишда такомиллаштиришни талаб қилади. Бу тизимнинг самарали ишлаши 
унинг барча унсурлари бир-бирининг вазифасини жуда кам такрорлаган 
ҳолда доимий равишда ўзаро алоқада бўлишини ҳамда фаолиятлари 
мувофиқлаштирилишини тақозо этади.

---

141 
4.Бозор иқтисодиѐти шароитида хусусий бизнесни молиявий қўллаб 
қувватлашда хорижий кредит линиялари маблағларини банклар орқали реал 
секторга жалб қилиш ҳисобига кичик ишлаб чиқаришни ривожлантириш 
муҳим аҳамият касб этади. Келажакда улар негизида молиявий жиҳатидан 
бақувват кўп тармоқли йироик ишлаб чиқариш корхоналари шаклланиши 
кўзда тутилади.