Namangan davlat universiteti "tasdiqlayman"

Ish yuritish asoslari fanidan 1-kurs talabalari bilimini nazorat qilish va baholashni tashkil etish
Ish yuritish asoslari fanidan talabalar bilimini baholash O’zbekiston Respublikasi Oliy va o’rta maxsus ta’lim vazirining 2018 yil 9 avgustdagi 19-2018-sonli “Oliy ta’lim muassasalarida talabalar bilimini nazorat qilish va baholash tizimi to’g’risidagi nizomni tasdiqlash haqida”gi buyrug’i va shu asosda Namangan davlat universitetida ishlab chiqilgan “Namangan davlat universitetida talabalar bilimini nazorat qilish va baholash tizimi bo’yicha Yo’riqnoma” asosida amalga oshiriladi.

Ish yuritish asoslari fanidan talabalar bilimini nazorat qilish oraliq va yakuniy nazorat turlarini o’tkazish orqali amalga oshiriladi. Talabalar bilimini baholash 5 baholik tizimda amalga oshiriladi. Oraliq nazortlardan 5, 4 va 3 baholarga o’zlashtirgan talabalar yakuniy nazorat turiga kirish huquqiga ega bo’ladi.

Ish yuritish asoslari fanidan Oraliq nazorat semestr davomida ishchi fan dasturining tegishli bo’limi tugagandan keyin talabaning bilim va amaliy ko’nikmalarini baholash maqsadida o’quv mashg’ulotlari davomida (amaliy mashg’ulotlarda) yoki mashg’ulotlardan keyin (ma’ruza mashg’ulotlarida) ham o’tkaziladi. Bunda oraliq nazorat turi 1 marta o’tkaziladi. Oraliq nazorat (ma’ruza va amaliy mashg’ulotlar bo’yicha) umumlashtirilganda talaba 3 baholik natijaga erishmasa yakuniy nazoratga qo’yilmaydi va belgilangan muddatlarda topshira olmasa akademik qarzdor hisoblanadi. Baholashda talabaning mashg’ulotlardagi ishtiroki va faolligi, talabalarning mustaqil ta’lim topshiriqlarini bajarishlarini ham e’tiborga olinadi. Amaliy mashg’ulotlar semestr davomida 20 soatga tengligini xisobga olib har bir talaba har bir amaliy mashg’ulotlarida baholanadi.

Yakuniy nazorat turini o’tkazish va mazkur nazorat turi bo’yicha talabaning bilimini baholash o’quv mashg’ulotlarini olib bormagan professor-o’qituvchi tomonidan yoki markazlashgan holda axborot kommunikatsiya texnologiyalarini qo’llagan holda amalga oshirilishi mumkin.