Namangan davlat universiteti kimyo kafedrasi organik birikmalarning tuzilish nazariyasi

O’quv fanining maqsadi va vazifalari

Fanni o’qitishdan maqsad – kimyo yo’nalishi bo’yicha bakalavrlar tayyorlashda muhim fan sifatida organik birikmalarning tuzilishi va xossalari o’rtasidagi bog’liqlikni organik kimyodagi nazariyalar, tushunchalar, qonunlar va qoidalar orqali chuqurroq ochib berishdan iborat.

Fanning vazifalari:

• 
  organik birikmalarning ko’pligi va xilma-xilligini uglerod atomining elementlar davriy sistemasidagi o’rni bilan ilmiy asoslash;
  
• 
  organik birikma molekulasi xossalarining uning tarkibiga kiruvchi atomlarning tabiatiga, ularning miqdoriga, molekulaning kimyoviy, elektron hamda fazoviy tuzilishiga bog’liqligini ko’rsatish;
  
• 
  organik birikma tarkibidagi kimyoviy bog’larning tabiati va xususiyati orasidagi bog’liqlikni tushuntirish;
  
• 
  organik birikmalarning kislotalilik, asoslilik va amfoterlik xossalarining muhitga bog’liqligini ko’rsatish;
  
• 
  organik kimyodagi reaksiyalarning turlari bilan tanishtirish;
  
• 
  organik reaksiyalarning sharoitlari va mexanizmlari o’rtasidagi bog’liqlikni ochib berishdan iborat.