Namangan Davlat Universiteti Jismoniy madaniyat fakulteti 2-bosqich magistratura talabasi Muxtorjonova Nodiraxon To’xtaxo’ja qizi tomonidan 5A112001 Jismoniy

Namangan Davlat Universiteti
Jismoniy madaniyat fakulteti 2-bosqich magistratura talabasi Muxtorjonova Nodiraxon To’xtaxo’ja qizi tomonidan 5A112001 - Jismoniy tarbiya va sport mashg'ulotlari nazariyasi va metodikasi ta`lim yo`nalishi bo`yicha magistr darajasini olish uchun “Voleybolchi o’smir qizlar his-hayajon holatini bartaraf etishning pedagogik imkoniyatlari” mavzusida bajarilgan magistrlik dissertatsiyasiga
T A Q R I Z

Ushbu magistrlik dissertatsiyasida bibliografik (adabiyotlar) va retrospektiv (tarixiy) manbalar, hamda Namangan viloyati Yangiqo’rg’on tumanidagi 31-sonli umumiy o’rta ta’lim maktabida voleybol sport turi bilan shug’ullanuvchi 16-18 yoshli o`smir qizlarning 40 nafari ixtiyoriy ajratib olinib, ilmiy tadqiqot ishlari o`tkazilgan va ular ilmiy asosda to`g’ri taxlil qilinib, natijalari izoxlagan.

N.T.Muxtorjonova magistrlik dissertatsiyasi ishida voleybol sport turi bilan shug’ullanuvchi o’smir qizlar his-hayajon holatlarini bartaraf etishning pedagogik imkoniyatlarini o`rganish jarayonida o`smirlarning nafas olish tizimi funksional holati o`zgarishlariga o`z vaqtida e`tibor berish lozimligini, aks xolda og’ir turdagi kasalliklar yuzaga kelishi, shuningdek, sport natijalariga erisha olmasliklari mumkinligi haqida fikrlar bayon qilgan.
Olingan natijalar zamon talablari bo`yicha statistik tahlil qilinib, tegishli xulosalar berilgan.
Muallif mavzusiga oid 81 ta adabiyotlar va internet ma`lumotlaridan foydalangan, hamda ishni 7 ta rasm va 6 ta jadval bilan bezagan bo`lib, u kirish, III bob, xulosalar va foydalanilgan adabiyotlar ro`yxatidan iborat.
Ushbu magistrlik dissertatsiyasi ishida kamchiliklar, imloviy xatolar ham uchraydi. Bu kamchiliklar magistrlik dissertatsiyasi ishini qiymatini pasaytirmaydi..
Xulosa qilib aytganda Shaxriyor Nodira To’xtaxo’ja qizi Muxtorjonovaning “Voleybolchi o’smir qizlar his-hayajon holatini bartaraf etishning pedagogik imkoniyatlari” mavzusidagi magistrlik dissertatsiyasi ishi O`zbekiston Respublikasi Oliy va O`rta Maxsus ta`lim vazirligi tomonidan qo`yilgan talablarga to`liq javob beradi. Shuning uchun uni Davlat attestatsiya hayatiga himoya qilish uchun tavsiya etaman.


Taqrizchi: p.f.n., dotsent S.V.Azizov