Namangan davlat univеrsitеti boshlang‟ich ta'lim mеtodikasi kafеdrasi

3. Sifatdosh 
Predmetning  harakat  va  holat  belgisini  bildiradigan,  gapda  sifatlovchi  vazifasini 
bajarishga mos bo‗lgan fe‘l shakli sifatdosh deyiladi: So„zlayotgan kishining o„ziga emas, 
so„ziga  e‟tibor  qil  («Tafakkur  gulshani»).  Ko„chaning  ikki  chetidagi  turli  mollar  bilan 
savdo qiluvchi do„konlar joylashgan (M.Qoriev) gaplaridagi so„zlayotgan, savdo qiluvchi 
sifatdoshlari  kishi,  do„konlar  otlariga  bog‗lanib,  uning  harakat  belgisini  bildirib, 
sifatlovchi (aniqlovchining bir turi) vazifasini bajargan. 
Sifatdosh quyidagi affikslar bilan yasaladi: 
1)  fe‘l  o‗zak-negiziga  –gan  (-kan,  -qan)  affikslarni  qo‗shish  bilan:  yuklagan, 
kechikkan, qiziqqan (fe‘l negizi k yoki g bilan tugasa, -kan; q yoki g‗  bilan tugasa, -qan 
tarzida). 
Bu affiks sifatdosh yasashda eng mahsuldor, unumli affiks sanaladi.  
Eski o‗zbek adabiy tilida –gan affiksining ekvivalenti –mish, -dik affikslari bilan 
ham yasalgan (bu affikslar hozir ham uchraydi). 
2)  fe‘lning  –a,  -y  affiksi  bilan  tugagan  ravishdosh  negiziga  –digan,  -yotgan 
affikslarini qo‗shish bilan: kelayotgan, o‗qiyotgan, boradigan, ishlaydigan kabi; 
3) fe‘l o‗zak-negiziga –r (-ar) qo‗shilishi bilan (unlidan so‗ng –r, undoshdan so‗ng 
–ar): sanar, ko‗kar kabi; 
4)  fe‘l  o‗zak-negiziga  –vchi  (-uvchi)  qo‗shilishi  bilan  (unlidan  so‗ng  –vchi, 
undoshdan so‗ng –uvchi): boshlovchi, kutuvchi kabi; 
4. Harakat nomi 
Ish-harakatning atamasi bo‗lib, gapda otga xos vazifalarni bajarishga mos bo‗lgan 
fe‘l  shakli  harakat  nomi  deyiladi:  Ilm-fanga  intilish  insonning  eng  oliy  ma‘naviy 
harakatlaridandir.  CHavandoz  bu  gaplarni  Ertoevga  aytishini  ham,  aytmaslikni  ham 
bilmay turgandi (O.YOqubov). Mustaqilligimiz tufayli xalq va Vatan tarixi, boy ilmiy va 
adabiy  merosga  xolisona  yondashishning  guvohi  va  shohidi  bo‗lmoqdamiz  (Rahim 
Vohidov)  gaplaridagi  intilish,  aytishni,  aytmaslikni,  yondashishning  fe‘l  shakllari 

---

117 
 
harakatning  atamasi  (nomi)  bo‗lib,  gapda  otga  xos  ega,  to‗ldiruvchi,  qaratuvchi 
vazifalarini bajargan. 
Harakat nomi quyidagi shakl yasovchi affikslar bilan yasaladi: 
1)  fe‘l  negiziga  –sh  (-ish)  qo‗shish  bilan  (unlidan  so‗ng  –sh,  undoshdan  so‗ng  –
ish): o‗qish, yozish, ishlash, chiqish kabi; 
Harakat  nomining  –sh  (-ish)  affiksi  bilan  yasalgan  shakli  otga  yaqin  turadi, 
shuning uchun ham bu shaklda harakat nomi otga ko‗chishga moyil bo‗ladi. 
2) fe‘l negiziga –v (-uv) qo‗shish bilan (unlidan so‗ng –v, undoshdan so‗ng –uv): 
ishlov, bag‗ishlov, boruv, keluv kabi; 
Bu affiks bilan yasalgan harakat nomi hozirgi o‗zbek tilida kam ishlatiladi; 
3) fe‘l negiziga -moq qo‗shish bilan: o‗smoq, ulg‗aymoq, o‗rganmoq kabi. 
1-ilova 
- Fe‘lning vazifadosh shakllarini ayting. 
- Sof fe‘l haqida gapiring 
-Ravidosh deb nimaga aytiladi.. 
- Ravishdosh ishtirokida gaplar tuzing.  
- Ravishdoshlar qanday affikslar yordamida hosil bo‘ladi.. 
- Payt va holat ravishdoshlari ishtirokida gaplar tuzing. 
- Sabab va maqsad ravishdoshlari qanday yasaladi.   
3.  Mustaqil  ish  uchun  Fe'lning  vazifadosh  shakllari:  sof  fe‘l.  Ravishdosh  mavzusi 
yuzasidan badiiy asarlardan yozib kelgan  misollar o`qitiladi