N qodirov, I. M. Fayzullaev, K. S. Shamsiev qozon qurilmalari

kondensat nasos; 13-ta'minot nasosi.
Bug' generatorida ekonomayzer, bug'latgich va bug' o'ta qizdirgich o'rnatilgan bo'lib, 1,23 MPa bosimli va 270 ⁰C haroratli suv bug'i olinadi, bu bug', bug' turbinasida ishchi jism bo'lib xizmat qiladi. Bug' turbina qurilmasining termodinamik tsikli IES larda qo'llanilayotgan oddiy bug' turbina qurilmasining tsiklidan deyarli farq qilmaydi. Ikkinchi kontur radioaktiv hisoblanmaydi va ikkinchi konturning barcha jihozlari xizmat ko'rsatish uchun xavfsizdir.
Zamonaviy quvvatli AES larda to'yingan bug' tsikli ham qo'llaniladi. Turbinaga kirayotgan bug'ning boshlang'ich parametrlari 4,3-6,5 MPa ni tashkil etadi. Bunday boshlang'ich bosimli to'yingan bug'ni kondensatordagi 4 kPa bosimgacha to'liq adiabatik kengayishi turbinaning oxirgi pog'onalarida namlikni keskin ortib ketish nuqtai nazaridan ruxsat etilmaydi. Bug'ning namligini kamaytirish uchun namlikni bir yoki ikki pog'onali separasiyalash va bug'ni oraliq qizdirish kiritiladi.


Bir konturli atom elektr stansiyasining prinsipial sxemasini to'liq ko'rib chiqamiz. Uning prinsipial sxemasi 7.25-rasmda ko'rsatilgan. Yadroviy reaktor 1 da atom yadrolarining parchalanishi natijasida reaktorning aktiv zonasida issiqlik ajralib chiqadi, bu issiqlik ishchi jismni qizdiradi va bug' xosil bo'ladi.

7.25-rasm.Bir konturli atom elektr stansiyasining prinsipial sxemasi.
1-reaktor; 2-bug' turbinasi; 3-kondensator; 4-nasos.
Reaktordan chiqqan bug', bug' turbinasi 2 ga kiritiladi, u yerda kengayib ish bajaradi. Ishlatib bo'lingan bug' kondensator 3 ga kiritiladi. Hosil bo'lgan kondensat nasos 4 yordamida qaytadan reaktorga uzatiladi. Bir konturli atom elektr stansiyalari uchun issiqlik tashuvchi sifatida odatda gazli va organik issiqlik tashuvchilardan, shuningdek suvdan foydalaniladi. Organik issiqlik tashuvchilarning asosiy kamchiligi kondensasiyalanish haroratining yuqoriligidir. Masalan, difenil oksidining 0,015 MPa bosimda kondensasiyalanish harorati T₂=470 K. Shuning uchun bunday issiqlik tashuvchilar faqatgina yuqori bosim turbinali bir konturli sxemada ishlatiladi, ularda ishlatib bo'lingan bug' teplofikasiya uchun qo'llaniladi.

26.