N. M. Mahmudov, A. Nurmonov, A. Sh. Sobirov

230-mashq.
 
Hazil  matnni  o‘qing.  Undagi  tinish  belgilarini  izohlang. 
Aytilmoqchi  bo‘lgan  fikr  haqida  suhbatlashing. 
–  Eshagim,  harom  o‘lgur,  hangrayverib  jonga  tegyapti. 
Mamarayim,  nima  qilsam  bo‘ladi-a?
–  Yukni  ko‘proq  ortsang,  ovozi  o‘chadi! 
(O‘.Hoshimov) 
231-mashq.
  Gaplarni  o‘qing,  tinish  belgilarining  qo‘llanilishiga 
diqqat  qiling.  Birinchi  gapga  munosabat  bildiring.
1.  Navosiz  ulusning  navobaxshi  bo‘l,  Navoiy  yomon  bo‘lsa, 
sen  yaxshi  bo‘l!  (Alisher Navoiy)  2.  Bor  ekan-ku  bunaqa  yorug‘ 
http://eduportal.uz

---

105
kunlar!  Nihoyat,  bizning  ko‘kragimizga  ham  shadaba  tegadigan 
bo‘ldi.  (O.Sharafiddinov)  3.  Muhammad  Yusufning  «Osmonning 
oxiri»  dostonini  o‘qiganmisiz?  Unda  shunday  jumla  bor:  «Odam 
dunyoga  bir  marta  keladi.  Shu  bir  kalima  so‘z  bilan  qancha  savob 
ishlar  qilish  mumkin.  Shu  bir  kalima  so‘z  pinjida  qancha  gunohga 
botish  mumkin».  (D.Muhammadiyev)  4.  Ey  bo‘tam!  Tilingni  yomon 
so‘zlardan  saqla!  (Zamaxshariy) 
232-mashq. 
Zafar  Diyorning  «Kitob,  mening  do‘stimsan!»  she’rini 
yodlang.  Undov  belgisining  ishlatilish  sabablarini  izohlang. 
Yosh  o‘ynoqi  ko‘zlarim
Bilim  olar  kitobdan.
Tashkil  topib  so‘zlarim,
Shuur  olar  kitobdan.
Shuning  uchun  deymanki:
«Kitob,  mening  do‘stimsan!»
233-mashq.
  Tushirib  qoldirilgan  tinish  belgilarini  joy-joyiga  qo‘yib, 
gaplarni  ko‘chiring. 
Tursunboy  boshini  egib  yerdan  cho‘p  olib  tishlab  o‘tiraverdi
Onang  o‘ldi  dedi  Ikromjon
Bilaman  Ko‘mishga  olib  ketayotganlarida  ko‘rib  turgan  edim
Ikromjon  o‘zini  yo‘qotib  qo‘ydi  Qarshisida  o‘tirgan  bolasini 
yagona  oyog‘i  bilan  tepib  yubordi  Tursunboy  orqasiga  ag‘darilib 
tushdi.  U  to  o‘rnidan  turguncha  Ikromjon  emaklab  borib  boshiga 
yuziga  uraverdi  U  mushtlardi-yu  allaqanday  xunuk  ovoz  bilan 
baqirardi
Onang  qandoq  xotin  edi  Qandoq  xotin  edi  Nomard  Ona 
qabrga  qo‘yilayotganda  ko‘rib  turib  yoniga  borolmagan  oqpadar 
(Said Ahmad)
1.  So‘roq  belgisi  qaysi  o‘rinlarda  ishlatiladi?
2.  Undov  belgisi  ketma-ket  nechtagacha  qo‘llanishi  mumkin?
http://eduportal.uz

---

106
3.  Undov  belgisi  qanday  hollarda  qo‘llanadi?
234-mashq.
  Uyga vazifa. 
Behzod  Fazliddinning  quyidagi  fikriga 
munosabat  bildiring  va  matn  tuzing.  Unda  so‘roq  va  undov  belgilaridan 
foydalaning. 
Ular  qichqiraversin:  «Hayot  –  bu  lahza.  O‘yna!»
Siz  o‘zingiz  uchun  javob  bering:  «Hayot  –  bu  lahza.  O‘yla!»