N. M. Alovddinova Ilmiy va pedagogik xizmatlar markazi direktori

Mustahkamlash uchun savollar
1. Quyonning qanday zotlarini bilasiz?
2. Quyonga beriladigan ozuqa turlari nimalardan iborat?
3. Quyonlar qancha vaqt umr ko‘rishi mumkin?
10-amaliy mashg‘ulot
Ishning maqsadi:
quyonlarni o‘stirish va parvarish qilishni 
o‘rganish.
Jihozlar: 
ozuqa turlari, idish, quyon ini, avtomat suv berish qurilmasi, asbob-
uskuna va moslamalar, xavfsizlik texnikasi qoidalari bo‘yicha yo‘riqnoma.
Ishning bajarilish tartibi
1. Ish o‘rnini xavfsizlik texnikasi qoidalariga rioya qilgan holda tashkil qilish.
2. Quyonlar uchun kataklarning tuzilishi va jihozlanishini ko‘zdan kechirish. 
Quyonlar uchun kataklar ikkiga bo‘linganligiga e’tibor qarating: bir qismi 
setkali eshik bilan, ikkinchisi esa qorong‘iroq. Bu xonada quyonlar uchun 
joy ajratilgan (27-rasm). Yorug‘ qismida quyon ko‘proq vaqt bo‘ladi va 
ovqatlanadi.
Quyonlarni o‘stirish va parvarish qilishni 
o‘rganish
@edurtm_uz

---

207
27-rasm. 
Quyon boqish uchun qurilgan inlarning ko‘rinishi.
3. Quyonlarni yaxshilab kuzating. Agar quloqlari osilib qolgan, bo‘shashgan, 
tuklari hurpaygan quyonlarni ko‘rib qolsangiz, uni o‘qituvchiga ko‘rsating. Bu quyon 
kasallangan bo‘lishi mumkin. 
4. Katakni yaxshilab tozalang, tagini almashtiring. Tagiga yozilgan taxta 
panjarani olib, yaxshilab tozalang. Go‘nglarni yig‘ishtirib oling. 
5. Ovqat beriladigan idishini tozalang, dezinfeksiya qilish uchun idishlarini 
ichimlik sodasi aralashtirilgan issiq suv bilan yuving.
6. Idishiga toza suv qo‘ying. Katta quyonga bir kunda 1 litrga yaqin suv kerak 
bo‘ladi. Kichik quyonchalarga esa o‘rtacha 0,3 litr suv yetarli. Bolalagan quyonlarga 
ko‘proq suv berish kerak (1,5 litrgacha), chunki suv sut hosil qilish uchun zarur. Agar 
quyon bolalaganda katakda suv bo‘lmasa, quyon o‘z bolalarini yeb qoyishi mumkin. 
Qishda quyonlarni 40–50° C haroratgacha isitilgan suv bilan sug‘organ ma’qul. 
Quyonlar uchun oddiy avtomat suv berish qurilmasini o‘zingiz yasashingiz ham 
mumkin.
7. Ishni yakunlash, ish o‘rnini yig‘ishtirib, tartibga keltirish.
ESLATMA
Mazkur amaliy mashg‘ulotni maktab sharoitida, hududda mavjud quyonchilikka 
moslashtirilgan fermer xo‘jaligi yoki oilaviy tadbirkorlik asosida tashkil etilgan 
joylarga ekskursiya uyushtirish asosida ham tashkil qilish mumkin.
@edurtm_uz

---