N. M. Alovddinova Ilmiy va pedagogik xizmatlar markazi direktori

94
SERVIS XIZMATI YO‘NALISHI
Makkajo‘xori
erta bahorda ekiladi. Uning poyasi to‘liq, barglari ensiz 
va uzun, bo‘yi ham uzun, 2 m ga yetadi. Iyun oyida pishib yetiladi. 
Donidan un, kraxmal, yorma olinadi. 
Makaron mahsulotlari
bug‘doy unidan tayyorlangan xamirga 
naychasimon, ipsimon, lentasimon kabi shakllar berilib quritilgan 
mahsulot hisoblanadi. Makaron mahsulotlari qattiq bug‘doydan 
olinadigan maxsus krupchatka unidan tayyorlanadi. Makaron 
ishlab chiqarish, asosan, quyidagi jarayonlarni o‘z ichiga oladi: 
xomashyoni tayyorlash, xamir qorish, shakl berish, quritish, tayyor 
mahsulotni sovutish va joylash. Jarayonlarning har biri mahsulot 
sifatiga ma’lum darajada ta’sir ko‘rsatadi. 
Makaron mahsulotlari qanday navli undan tayyorlanganligiga qarab oliy va birinchi 
navlarga bo‘linadi. Ularni tayyorlashda ta’m beruvchi modda yoki boyituvchi mahsulot 
qo‘shilsa, u holda nav ko‘rsatkichi yoniga qo‘shilgan qo‘shimchaning nomi ham qo‘shib 
aytiladi. Masalan, tuxumli oliy nav, sutli oliy nav, tomatli birinchi nav va hokazo. 
Makaron mahsulotlarining har bir navi shakliga ko‘ra to‘rt tipga bo‘linadi: naychasimon, 
lentasimon, ipsimon va shakldor.
Naychasimon mahsulotlar
. Naychasimon makaron mahsulotlari shakli va 
uzunligiga ko‘ra, 3 ta kichik tipga bo‘linadi: makaronlar, rojki va yupqa parrak holidagi 
mahsulotlar. Makaronlar naychasimon, to‘g‘ri kesilgan, uzunlari 30 cm dan ortiq, 
kaltalari esa 15–30 cm bo‘ladi. Rojkilar naychalari bukilgan yoki to‘g‘ri, 1,5–4,0 cm 
uzunlikda bo‘ladi. 
Ipsimon mahsulotlar
(vermishel). Vermishel uzunligiga ko‘ra, kalta (kamida 2 cm) va 
uzun (kamida 20 cm), kesimining o‘lchamiga ko‘ra esa juda ingichka (1,2 mm gacha va 
oddiy (1,5 mm gacha) bo‘ladi. 
Lentasimon mahsulotlar
. Bu tipdagi makaron mahsulotlariga ugralar kiradi. Ugra 
chetlari to‘g‘ri, to‘lqinsimon qirqilgan, o‘zi silliq yoki taram-taram bo‘lishi mumkin. 
Uzunligiga ko‘ra, ugra kalta (kamida 2 cm) va uzun (kamida 20 cm) bo‘ladi. Ugraning 
qalinligi 2 mm dan oshmasligi, kengligi esa kamida 3 mm bo‘lishi lozim. 
Shakldor mahsulotlar
. Bunday makaron mahsulotlari alifbo harflari, yulduzcha, tishli, 
g‘ildirakcha, chig‘anoq, don kabi shakllarda ishlab chiqariladi.
Аmаliy mаshg‘ulоt uchun zаrur bo‘lgаn аsbоb vа idishlаr:
gаz plitаsi, tova, 
tахtаkаchlаr, turli kаttаlikdаgi idishlаr, pichоq, jo‘vа, kapgir, qirg‘ich, qoshiq va 
likоpchаlаr.