N. M. Alovddinova Ilmiy va pedagogik xizmatlar markazi direktori

Quyonga beriladigan ozuqa
1. Yashil ozuqalar
– o‘tloq pichani, javdari, suli, beda, makkajo‘xori va boshqa g‘alla 
ekinlarining yer ustki qismlari, ildizmevalar va karam barglari, daraxtning yashil 
shoxlari hamda yovvoyi o‘tlar.
2. Shirali ozuqalar
– xashaki lavlagi, xashaki sabzi, xashaki sholg‘om va boshqalar.
3. Dag‘al ozuqalar
– beda, sebarga, beda-g‘alla aralashmasidan iborat pichan.
4. Konsentrat ozuqalar
– g‘alla va dukkakli don ekinlari doni, yormalari, kepaklar, moyi 
olingan kunjara, omixta yem, pichan uni, quruq sut va boshqalar.
5. Hayvonlar mahsulotidan tayyorlangan ozuqalar
– sut, yog‘i olingan sut, sut zardobi, 
ayron, go‘sht, go‘sht-suyak va baliq unlari.
@edurtm_uz

---

206
QISHLOQ XO‘JALIGI TEXNOLOGIYASI YO‘NALISHI
Uy quyoni
– kemiruvchilar turkumining tovushqonlar oilasiga mansub sut 
emizuvchi hayvon. Yovvoyi quyondan kelib chiqqan (26-rasm). Uy quyoni sergo‘sht, 
tez yetiladi, go‘sht va mo‘yna tivit olish uchun urchitiladi. Yil mobaynida ko‘payishi: 
urg‘ochisi 3–4 oylikda yetiladi, 8 hafta – 32 kunda bolalaydi. Yiliga bitta quyon
3–6 marta, har safar 6–8 ta (ba’zan 15 va undan ortiq) bola tug‘adi. Yangi tug‘ilgani 
60–70 g, bir oyligi 600–700 g keladi. Nasldor quyon bolalari 45 kunlik, vazni 800–900 g 
bo‘lganda onasidan ajratiladi. Tez yetiladigan zotlar 65–70 kunlik vazni 1,8–2 kg, kech 
yetiladiganlari 90 kunlik vazni 2,8–4 kg bo‘lganda so‘yiladi. 
Quyonlar 7–10 yil yashaydi. Xo‘jalikda foydalanish davri 2–3 yilni tashkil etadi. 
Quyonlar, asosan, ko‘kat, ildizmevalar, sabzi-karam silosi, mayin xashak, don-dun, 
omixta yem va boshqa konsentratlar – go‘sht-suyak va baliq uni;
mineral qo‘shimchalar – osh tuzi va bo‘r bilan boqiladi. Quyonchilik xo‘jaliklarida 
belgilangan norma va ratsionlar asosida oziqlantiriladi. Kuz-qish mavsumida, 
tullagandan keyin mo‘ynasi yaxshi bo‘ladi. Boqib semirtirilgan quyonalarning 
so‘yilgandagi vazni uning katta-kichikligiga, semizlik darajasiga bog‘liq bo‘lib, tirik 
vaznining 47–60 % ga to‘g‘ri keladi.