N. M. Alovddinova Ilmiy va pedagogik xizmatlar markazi direktori

Muammoli topshiriq
@edurtm_uz

---

168
QISHLOQ XO‘JALIGI TEXNOLOGIYASI YO‘NALISHI
hosilni ko‘paytirishga qaratilgan ishlovni berish, ekin hosilini yig‘ishtirishga tayyorlash 
kabi parvarishlash tadbirlari amalga oshiriladi. 
Mustaqil amaliy topshiriq
Qand lavlagi urug‘ini issiqlikka ta’siri, o‘sish tezligi va sog‘lomligini nazorat qilishni 
o‘rganish.
Birinchi tajriba.
Oldindan tayyorlangan tuproq aralashmasi ikkita tuvakka 
to‘ldiriladi va suv bilan namlanadi. Ularga qand lavlagi urug‘lari bir xil muddatda ekiladi. 
Tuvaklarning biri harorati 4–5 °C li, ikkinchisi esa 14–16 °C li yerga qo‘yiladi. Ikkinchi 
tuvakdagi urug‘lar 8–10 kunda unib chiqadi, birinchi tuvakdagi urug‘larning unib 
chiqishi esa 3–4 haftaga cho‘ziladi. Tajriba davomida o‘simlikning sog‘lomligi nazorat 
qilib boriladi va tegishli choralar ko‘riladi.
Ikkinchi tajriba.
Ikkita tuvakka ham qand lavlagi urug‘lari bir vaqtda ekiladi. Urug‘lar 
unib chiqqanidan keyin birinchisi 7–8 ° li, ikkinchisi esa 17–18 °C li sharoitda parvarish 
qilinadi. Bunda yuqori haroratda parvarish qilingan lavlagi tez o‘sganligini yaqqol ko‘rish 
mumkin. Tajriba davomida o‘simlikning sog‘lomligi nazorat qilib boriladi va tegishli 
choralar ko‘riladi.
Tajribalarni amalda bajaring, jarayonlarni kuzatib boring hamda kundalik daftar 
tutib, unga har kungi kuzatish natijalari va amalga oshirilgan ishlarni yozib boring. 
Tajriba ishlari yakunlangach, natijalarni solishtiring va tahlil qilib chiqing. Tajriba 
natijalari bo‘yicha o‘simlikning o‘sish tezligi va sog‘lomligini nazorat qilishga oid o‘z 
xulosalaringizni tayyorlang!
Mustahkamlash uchun savollar
1. O‘simliklarning o‘sish tezligi va rivojlanishini nazorat qilishning qanday 
xossalarini bilasiz? 
2. O‘simliklarning o‘sish tezligi nimaga bog‘liq?
3. O‘simliklar hayotida o‘g‘itlarning ahamiyati bormi?