Н и з о м и умумий қоидалар

3. Танловнинг 1- ва 2-босқичини ташкил этиш ва ўтказишни бошқариш
3.1. Факультетларда танловнинг 1- ва 2-босқичлари факультет декани раҳбарлигида ташкил этилади. Танлов ғолиблари баённомалар расмийлаштирилган ҳолда тақдим этилади.
4. Танловнинг 3-босқичини ўтказишни ташкил этиш
4.1. Танловнинг 3-босқичини ўтказиш учун университет Ишчи гурухи тузилади.
4.2. Танловда эътиборга олинадиган тамойиллар.
- Тўгарак раҳбари иш фаолиятига тегишли меъёрий ҳужжатлар мавжудлиги, уларнинг тўғри тузилганлиги, тасдиқланганлиги ва ижроси юзасидан маълумотларнинг мавжудлиги;
- 1 та энг яхши ўтилган тўгарак жараёнининг фото альбом асосида тайёрланган ишланмаси;
- замонавий тўгарак раҳбари ўзини қандай тасаввур қилиши бўйича тўгарак раҳбарининг тақдимоти;
- ўз тўгарагида талабаларнинг қизиқишлари, ижодий ёндошишларини хисобга олиб тўгарак жараёнини ташкил этишдаги фаоллиги;
- тўгарак раҳбари тўгарак аъзолари билан машғулот жараёнида инновацион ғоялар ва технологияларни жорий этганлиги;
- тўгарак аъзоларининг эришган натижаларини ва тўгарак фаолиятини университет сайтида ёритилиши;
- тўгарак аъзоларининг олган билим ва тажрибалари асосида тадбиркорлик бўйича фаолияти;
- талаба-ёшларни ҳаётга мақсад ва ишонч билан яшашга тайёрлаш, уларни энг юксак қадрият сифатида вақтни қадрлаш ва ундан самарали фойдаланишга ўргатиш;
- талаба-ёшларнинг қобилияти, истеъдодини ривожлантириш;
- ёшлар онги ва қалбини лоқайдлик, бефарқлик каби иллатлардан фориғ этиш;
-ёшлар орасида ватанпарварлик, миллий ғурур, маънавий теранлик ва ташаббускорлик илмий-ижодий истеъдод каби фазилатларни қарор топтириш ҳамда тўпланган бой бадиий-ижодий ва илмий-техник салоҳиятни янада ривожлантиришга ўз ҳиссасини қўшиш.
4.3. Танловда ғолиблик 1- 2- 3-ўринлар бўйича белгиланади. Ҳар бир ўринга фақат 1 нафар тўгарак мураббийси ғолиб сифатида танланади.
Агар 3-босқич ғолибларни аниқлашда тўгарак раҳбарларининг тўплаган баллари тенг келиб қолса, танлов қўшимча саволлар берилиб, ғолиб аниқлангунча давом эттирилади. Бунда баҳс очиқ ҳолатда ўтказилади.
4.4. Ҳакамлар ҳайъати кўрик-танловни юқоридаги топшириқлар бўйича баҳолайди.
4.5. Натижаларни баҳолаш бевосита танлов жараёнида ўтказилади ҳамда қатнашчиларга эълон қилинади.