Н и з о м и умумий қоидалар

Университет ректорининг 2017 йил “____” декабрдаги _____-У сонли буйруғига
1-илова


Низомий номидаги ТДПУнинг “Энг яхши тўгарак раҳбари”
кўрик танлови
Н И З О М И


1. Умумий қоидалар
1.1. “Энг яхши тўгарак раҳбари” кўрик танлови (кейинги ўринларда-Танлов) нинг асосий вазифаси талаба-ёшлар онгига миллий ғояни сингдириш, уларни миллий ва умумбашарий қадриятлар асосида тарбиялаш, халқимизнинг бой маънавий мероси билан таништириш ва уни асраб авайлаш, буюк аждодларимизга нисбатан ҳурмат - ифтихор туйғусини уйғотиш ҳамда бу борада талаба-ёшларнинг қобилияти, истеъдодини ривожлантириш, билим олишга ва юксак маънавиятли шахс сифатида шакллантиришга тўлиқ сафарбар этиш ҳамда уларни ҳар томонлама ҳаётга тайёрлаш, мамлакатимизда демократик ва умуминсоний қадрятлар асосида тараққиётимизнинг тақдирини ҳал эта оладиган юксак маънавиятли, мустақил фикрлайдиган, касбий маҳорати шаклланган олий маълумотли, юқори малакали кадрлар тайёрлаш учун ижодкор истеъдодли ёшларнинг илмий-ижодий салоҳиятини ошириш ва талабаларнинг бўш вақтини мазмунли ташкил этиш ҳамда уларнинг амалий-ижодий қизиқишларини қўллаб-қувватлашдир.
1.2. Танлов университет томонидан намунали, энг илғор тўгарак раҳбарини аниқлаш, уларнинг иш тажрибаларни оммалаштириш ҳамда моддий ва маънавий рағбатлантириш мақсадида ўтказилади.
1.3. Мазкур Низом танловни ташкил этиш ва ўтказиш тартибини, тўгарак раҳбарининг ўз тўгарагидаги талабалар билан олиб борадиган таълим – тарбия соҳасидаги билим, амалий кўникма ва малакаларини баҳолаш мезонларини белгилайди.
1.4. Танловда университетнинг барча тўгарак раҳбари мазкур Низомда кўрсатилган талаблар асосида қатнашиш ҳуқуқига эга.


2. Танловни ўтказиш муддати ва тартиби
2.1. Танлов ҳар ўқув йилида қуйидаги тартибда ўтказилади:
1) Танловнинг кафедра профессор-ўқитувчилари ўртасида ўтказиладиган 1-босқичи 2018 йил январ ойининг 10-26 саналарида, кафедраларда ғолиб деб топилган тўгарак раҳбарлари, ўртасида факультет миқёсидаги 2 босқич 1-11 февраль кунлари ўтказилиб, ғолиблар университет миқёсидаги 3-босқичда қатнашиш ҳуқуқига эга бўладилар;
2) Танловнинг 3-босқичи университетда февраль ойининг 18-28 саналарида ўтказилади.