N. Husanov, S. Shokirova, K. Shayxova

 
BOZOR IQTISODIYOTI 
G’arbda bozor iqtisodiyoti deganda, iqtisodiy yechimlar asosan 
markazlashmagan tarzda qabul qilinadigan iqtisodiyot tushuniladi. Bozor 
iqtisodiyotining faoliyat ko‘rsatishi asosan bozor mexanizmlari orqali amalga 
oshiriladi. G‘arb adabiyotida bozorning ko‘pgina ta’riflari mavjud. Lekin ularning 
hammasi shundan iboratki, bozor mustaqil ravishda qarorlar qabul qiluvchi alohida 
xo‘jalik yurituvchi sub’yektlar o‘rtasidagi o‘zaro munosabatlar, aloqalar shakli 
hisoblanadi. Har doim ham bozor iqtisodiyoti sharoitida erkin bozor bo‘lmay, balki 
raqobatli bozor o‘z faoliytini ko‘rsatadi. Uning faoliyat ko‘rsatishi uchun dastavval 
mulkchilikning xilma–xil shakllarini (xususiy, kooperativ, aksiyadorlik, davlat va 
boshqalarni) ro‘yobga chiqarishini va bozor infrastrukturasini vujudga keltirishini 
talab etadi.
Topshiriq: 
1. Matnni o‘qing, savollar tuzing. Savol asosida matnni so‘zlab bering. 
2.Quyidagi so‘zlarni rus tiliga tarjima qiling: moliyaviy hisobot, tekshiruv, soliqlarni 
belgilash, rag‘balantirilgan sub’yekt, tenglik, boshlang‘ich qobiliyatlar, davlatning 
mulki, davlat korxonasi, kelgusida. 
 
PAXTACHILIK TARIXIDAN 
Paxta issiq mamlakatlarda o‘sadi. U quyosh nurini yaxshi ko‘radi. Paxtaning 
ochilishi uchun 3000 kaloriya issiqlik kerak.
G’o‘zani birinchi marta bundan ming yillar avval Hindistonda o‘stirishgan. 
Hindistonliklar nozik gazlamalari bilan hammani hayron qoldirishgan. 
Xitoy-Hindistonning qo‘shnisi, lekin Xitoyda g‘o‘za manzarali daraxt sifatida 
o‘stirilgan. Xitoyliklar uni, istirohat bog‘larida ekishgan. Gazlamalarni esa ipakdan 
to‘qishgan. Faqat bir necha asrlardan keyingina paxtadan gazlama to‘qishni 
o‘rganishgan.
Go‘za Peru, Meksika xalqlariga ham ilgaridan ma’lum bo‘lgan. Misr paxtasi 
deb atalgan uzun tolali paxta Misrga Perudan keltirilgan. Paxtaning tarixi ana 
shunday boshlangan. 
Topshiriq: 
Matnni o‘qing, savollar tuzing va nutqingizning sofligiga e’tibor bergan 
holda so‘zlang.

---

 66