N. Husanov, S. Shokirova, K. Shayxova

BOZOR IQTISODIYOTIGA O‘TISHNING O’ZBEKISTON KONSEPSIYASI 
ASOSI
Biz qurayotgan farovon demokratik fuqarolik jamiyati va o‘tkazilayotgan 
chuqur iqtisodiy islohotlar mustahkam qonuniy asosga suyangandagina haqiqatga 
aylanishi mumkin. Shuning uchun mustaqillikning dastlabki davridan boshlaboq 
tegishli qonunlar va me’eriy hujjatlar qabul qilishga kelishildi; qonun oldida xo‘jalik 
sub’ektlarining, jamiyat barcha a’zolarining tengligiga erishishga harakat qilindi. 
Agar qabul qilingan, qabul qilinayotgan qonunlar tahlil etilsa, bu qonunlar ijtimoiy – 
siyosiy hayotning barcha jabhalarini qamrab olganligini ko‘ramiz. Ular orasida 
mamlakatimizning davlat mustaqilligini ta’minlash, tashqi iqtisodiy va siyosiy 
munosabatlarini qurish, bozor munosabatlarini tartibga solib turuvchi qonunlarni 
ko‘rish mumkin. Masalan, Yer haqidagi, uning ijarasi, mulkchilik, mulkni davlat 
tasarrufidan chiqarish va xususiylashtirish, tadbirkorlik, banklar, raqobat, 
antimonopol faoliyat, bankrotlik, soliqlar, garov, sugurta, xorijiy investitsiyalar, 
fermer xo‘jaligi, dehqon xo‘jaligi kabi qonunlarimiz shular jumlasidandir. 
Prezidentimiz ko‘rsatmasi bilan ilgari qabul qilingan ko‘pgina qonunlarga 
o‘zgartirishlar, qo‘shimcha va to‘ldirishlar qilib berilayotir, zero, ular bugungi kun 
ruhini, talabini aks ettirmog‘i lozim. 
Topshiriq: 
1. Matnni o‘qing, reja tuzing va so‘zlang.
2. Bozor iqtisodiyotiga o‘tishning boshqa tamoyillari bo‘yicha referat yozing. 
MASKANIM – VATANIM 
Hozirgi hayotimizda yuz berayotgan muhim voqealar Vatanimiz, xalqimiz 
tarixidagi g‘oyat buyuk va unutilmas voqea ya’ni O’zbekiston Respublikasi 
mustaqillikka erishganligi sharofatidir. Mustaqil davlatimiz bizga hozirgi zamon 
sivilizatsiyasining eng yangi yutuqlarini egallab olish, o‘z xalqimiz ma’naviy 
boyliklari va barcha an’analarini o‘rganib olish imkoniyatini yaratib beradi. 
Har qanday uzoq yo‘l birinchi qadamni qo‘yishdan boshlanadi. Har qanday 
mevali daraxt o‘z shox butoqlarini quyoshga tomon qanchalik baland ko‘tarib 
yuksaltiravergani sari uning ildizlari ham yer ostiga shunchalik chuqur kirib boradi. 
O’zbekiston xalqi o‘zining boy, ko‘p asrlik tarixiga egadir. Hozirgi 
O’zbekiston hududida dastlabki mustaqil davlat tuzimlari eramizdan avvalgi birinchi 
ming yillik boshlarida paydo bo‘lgan edi. O’sha zamonlarda Markaziy Osiyo 
hududida Xorazm, So‘g‘diyona, Baqtriya, Margiona va boshqa qudratli hamda 
rivojlangan davlatlar mavjud bo‘lgan. 
Temur, Bobur kabi dono hukmdorlar hokimiyatni boshqargan zamonlar o‘zbek 
davlatchiligi taraqqiyotining eng gullab yashnagan va eng yuqori darajaga ko‘tarilgan 
davrlari bo‘lgan. Bunday buyuk kishilar hukmronlik qilgan yillarda hunarmandchilik, 
ilm – fan, san’at gullab – yashnagan. Bizning ajdodlarimiz butun bashariyat 
taraqqiyotiga asrlar bo‘yi so‘nmaydigan g‘oyat katta hissa qo‘shganlar. Abu Ali ibn 
Sino, Forobiy, Xorazmiy, Beruniy, Imom Buxoriy, Naqshbandiy, Yassaviy, Ulugbek, 
Navoiy, Bobur va boshqa buyuk allomalarning o‘lmas ma’naviy merosi buning 
dalilidir. 

---

 65
Topshiriq: 
1. Matnni o‘qing, reja tuzing va reja asosida so‘zlab bering.
2. Quyidagi so‘zlarni va so‘z birikmalarini rus tiliga tarjima qilib, daftaringizga 
yozing: 
Unutilmas voqea, an’ana, imkoniyat, yuksalish, bashariyat, ma’naviy boylik, 
ma’naviy meros.