N. Husanov, S. Shokirova, K. Shayxova

Topshiriq: 
 
1. Matnni o‘qing va savollar tuzing. 
2. Imom Al - Buxoriyning “Sahih hadislari”dan quyidagi parchalarni o‘qing, 
ma’nosini tushuntiring: 
Uch toifa kishinarning duosi hech shubhasiz Olloh, qoshida maqbuldir:
Mazlumlarning, musofirning, ota-onaning. 
Vatanni sevmoq - iymondandir. 
Kishi o‘z ota-onasini so‘kishi katta gunohdir. 
MILLIY SAN’ATIMIZ TARIXIDAN 
Markaziy Osiyo IX - XII asrlarda jahon ilm-fani taraqqiyotida mislsiz katta 
ahamiyat kasb etgan edi. XIV - XVI asrlarda ham Markaziy Osiyo tabiiy va ijtimoiy 
fanlar sohasida bir qancha buyuk olimlarni yetishtirdi, jahon fani taraqqiyotiga 
yanada hissa qo‘shdi. Bu davrda tasviriy san’at sohasida ham katta muvaffaqiyatlarga 

---

 48
erishildi. Behzod, Mirak Naqqosh, Shoh Muzaffar kabi iste’dodli rassomlar yetishdi. 
O’sha davrda yaratilgan tasviriy san’at yodgorliklari bizgacha yetib kelgan. 
Saqlanib qolgan rasmlar orasida Jomiy, Navoiy, Behzod, Xusayn Boyqaro, 
Bobur, Shayboniyxon va boshqa madaniyat hamda davlat arboblari suratlarini 
ko‘ramiz. 
KAMOLIDDIN BEHZOD 
Kamoliddin Behzod 1455 yilda Hirot shahrida tugildi. U ota-onadan juda erta 
yetim qoldi. Uni Husayn Boyqaroning kitobdori (kutubxonalar boshligi) Mirak 
Haqqosh o‘z tarbiyasiga oladi. Kamoliddin rassomllik san’atiga qiziqadi, qobiliyati 
va iste’dodi bilan kishilarning e’tiborini jalb etadi. Ko‘p o‘tmay ilm - fan, san’at va 
adabiyot ahllari orasidan o‘ziga munosib o‘rin oladi. Navoiy iste’dodli yosh rassomga 
alohida diqqat - e’tibor beradi, unga har tomonlama g‘amxo‘rlik qiladi. Behzod 1510 
yilgacha Hirotda yashab, ijod qiladi. Keyin esa u Ozarbayjonga - Tabrizga boradi. U 
yerda poytaxt kutubxonasi va san’atkorlariga boshliq qilib tayinlanadi. Kamoliddin 
Behzod 1533 -1537 yillar o‘rtasida vafot etadi. 
Behzodning zamondoshlari hamda keyingi davrning olimlari uni
“Sharq Rafaeli” deb nomlashgan. Behzod tasviriy san’atning ulug‘ 
namoyandasi bo‘lib, u rassomlikda “Hirot maktabi” deb nomlangan yangi bir ijodiy 
uslubning asoschisi bo‘ldi va ustoz san’atkor sifatida Markaziy Osiyo, Eron, 
Ozarbayjon va boshqa o‘lkalar tasviriy san’atining taraqqiyotiga samarali ta’sir etdi.