N. Husanov, S. Shokirova, K. Shayxova

KOMPYUTERLAR TIZIMI 
Institutda fanlar bo‘yicha ma’ruza va amaliy mashg‘ulotlarni o‘tkazish uchun 
yetarli miqdorda kompyuter sinflari xizmat qiladi. Zamonaviy kompyuterlar bilan 
jihozlangan test markazi faoliyat ko‘rsatmoqda. Bu markazda har bir yo‘nalishning 
maxsus fanlaridan talabalarning bilimini reyting tizimi yordamida aniqlash 
kompyuterlar yordamida amalga oshiriladi. Institutning barcha dekanat va kafedralari 
zamonaviy kompyuterlar bilan jihozlangan. 
Xalqaro informatsion resurslardan foydalanish maqsadida institut professor - 
o‘qituvchilari va talabalariga “Elektron pochta” va “Internet” global informatsion 
tizimlari xizmat ko‘rsatmoqda. Institutda masofadan o‘qitish shakli ham tashkil 
qilinyapti. 
Topshiriq:
1. Matnni o‘qing va savollar tuzing. Unli tovushlarning talaffuziga e’tibor bering
2. Qanday kompyuter turlarini bilasiz? So‘zlab bering. 
3. Matndagi birlik va ko‘plik sonda qo‘llanilgan otlarni aniqlang. 
 

---

 42
ILMIY FAOLIYAT 
Toshkent Moliya instituti Markaziy Osiyodagi Moliya, Bank, Soliq va 
Sug‘urta, Buxgalteriya hisobi va Audit sohalari bo‘yicha yirik ilmiy markaz 
hisoblanadi. Institutda “Bozor tizimiga o‘tishda iqtisodiyotni tartibga solishning 
moliya-kredit mexanizmi” mavzusida ilmiy - tadqiqod ishlari olib borilmoqda. 
Institut olimlari faqat bu mavzu bilan chegaralanmay, balki Davlat fan - texnika 
dasturida belgilangan 4 ta yo‘nalish bo‘yicha ham izlanishlar olib bormoqdalar. Bu 
ishlarni amalga oshirishda yosh iqtisodchi olim va talabalar faol qatnashayaptilar. 
Institutda “Yosh iqtisodchilar” klubi tashkil qilingan. Iqtidorli talabalarning ilmiy 
maqolalari Markaziy jurnal, gazeta va ilmiy to‘plamlarda doimiy ravishda chop etib 
boriladi. Bulardan tashqari, jahon va milliy iqtisodiyotining rivojlanishiga doir 
muammolar yosh olimlar, aspirant va doktorantlar tomonidan ilmiy seminarlarda va 
konferensiyalarda doimiy ravishda muhokama qilinadi. 
Institutning ilmiy va pedagogik salohiyatini oshirishda rivojlangan chet 
davlatlarning o‘quv - ilmiy markazlari bilan o‘rnatilgan hamkorlik muhim 
ahamiyatga ega bo‘lyapti. 
Topshiriq:
1.Matnni o‘qing va tarjima qiling. Unli tovushlar talaffuziga e’tibor bering
2. Matnda berilgan gaplardagi egalik qo‘shimchalarini toping. 
3. “Iqtisodchi – faxrli kasb” mavzusida insho yozing.