N. E. Avezov, Sh. K. Ismailov, B. G’. Samandarov, “Elektronika va sxemalar 1” fanidan O’quv qo’llanma

4 Zanjirning uzatish funktsiyasi
Yuqorida keltirilgan L, r, C ketma-ket kontur, L, r, C parallel kontur va reaktiv ikki qutbliklar uchun qurilgan (12.3, 12.4, - rasmlar) chastotaviy tavsiflar elektr zanjiri u yoki bu xususiyatlarining chastotaga bog’liq ekanligini ko’rsatadi. Shunga o’xshash tavsiflar, na faqat zanjir tahlili uchun, balki elektr zanjirini sintez qilish masalalarini echishda ham qo’llaniladi.

Umumiy xolda zanjirning chastotaviy xususiyatlari haqida zanjirning uzatish funktsiyasi deb (uzatish koeffitsienti amplituda-faza tavsifi) nomlangan tavsifi yordamida fikr yuritiladi. Uzatish funktsiyasi deyilganda, zanjir uchun chiquvchi qiymat deb qabul qilingan kattalik masalan, zanjir toki, biror qism kuchlanishlaridan birining, berilgan kirish qiymatiga nisbati tushuniladi.

Uzatish funktsiyasi modulining chastotaga bog’liqligi, ya’ni N( )ni amplituda-chastota tavsifi; argumentining chastotaga bog’liqligi ( )ni faza-chastota tavsifi deyiladi.