N. B. Dilmurodov

 
Elkani bosh, bo‘yin hamda tana bilan birlashtiruvchi muskullar 
Bu guruhga to‘sh – elka – bosh muskuli, elkaning keng muskuli va ko‘krak 
muskulllari kiradi. 

---

Ko‘krak – elka – bosh muskuli -
m.sternobrachiocephalicus
ikkita lenta 
shaklida bo‘lib, elka va to‘sh suyaklari o‘rtasida joylashadi. Bu muskul ikki 
qismdan: yuqorigi – kattaroq elka – bosh muskuli va pastki – kichikroq to‘sh – 
bosh muskulidan iborat. 
Elka – bosh muskuli – m.brachiocephalicus
kavsh qaytaruvchi hayvonlarda 
ensa, chakka va pastki jag‘ suyaklaridan boshlanib, elka suyagining deltasimon 
tarog‘ida tugaydi. Cho‘chqa va otlarda ham shu tarzda joylashadi. 
Ko‘krak – bosh suyagi muskuli
– m.sternocephalicus 
chakka va pastki jag‘ 
suyaklaridan boshlanib, to‘sh suyagining dastasida tugaydi. Har bir bo‘lim 
muskulining oralig‘ida ariqcha bo‘lib, unda bo‘yinturuq vena – 
vena jugularis
joylashadi. 
Muskullar, asosan, oldingi oyoqni old tomonga tortadi, elka bo‘g‘imini 
yozadi, bosh va bo‘yinni egadi hamda har tomonga buradi. Hayvonlar boshini 
yaxshi tutib turishini ta’minlaydi. 
Elkaning keng muskuli -
m.latissimus dorsi
ko‘krak qafasining yuqorigi va 
yon qismini o‘rab turadi. Bu muskul III ko‘krak umurtqasidan oxirgi bel 
umurtqasigacha bo‘lgan joydan boshlanib, oxirgi II – III qovurg‘alargacha etib 
keladi va oldingi tomonga o‘tib, hamma turdagi hayvonlarda elka suyagining ichki 
yuzasida tugaydi. Bu muskul qisqarganda oldingi oyoqni orqaga tortadi, ko‘krak 
qafasini siqib, nafas chiqishiga yordamlashadi. 
Ko‘krak muskullari –
m.m.pectoralis
anchagina go‘shtdor bo‘lib, ko‘krak 
devorining pastki qismi bilan elka suyaklari oralig‘ida joylashadi. Bu muskul 
hamma hayvonlarda yuza va chuqur qavatlardan iborat.