Н. А. Самиғов, Ф. Д. Жўраева, Сайдуллаев А. Б

Деворбоп буюмлар. 
Асбоцемент асосида қуйидаги деворбоп буюмлар 
тайёрланади: тўлқинсимон листлар, йирик ўлчамли ясси листлар, экструзия 
усулида олинган плита ва панеллар, ёғоч ва асбоцемент каркас асосидаги 
ташқи девор панеллари. 
Тўлқинсимон листлар иситилмайдиган саноат бинолари девор 
конструкцияларини барпо этишда ишлатилади. Улар узунлиги одатда 2,5 м 
бўлади ва профили бўйича 40

150 ва 51

177 (ўртача Европа профили) 
турларга бўлинади. 
Йирик ўлчамли листлар узунлиги 200-300 мм, эни 1200-1500 мм, 
қалинлиги 4-12 мм асбоцемент буюмлар киради. Улар ўртасига иссиқлик 
изоляцияси материали қўйилган уч қатламли панеллар ва пардадевор 
конструкциялар тайёрлашда ишлатилади. 
Эктрузион панел ва плиталар узунлиги 6 м гача, эни 750 мм гача ва 
баландлиги 60-180 мм ўлчамлардаги деворбоп конструкция ва пардадевор 
сифатида ишлатилади. Улар иссиқлик изоляцияси материали (ярим бикр 
минерал пахта плиталар) билан таъминланган ва бўшлиқли ҳолда 
тайёрланиши мумкин (9.10-расм). 

---

377 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
21.4-расм. Экструзион асбоцемент пардадевор панеллар 
а) бурчак: б) ўтувчи 
“Джонс Мэнвилл” (АҚШ) фирмаси ишлаб чиқараётган экструзион 
деворбоп панеллар буюмни узоқ муддат ишлашини таъминлайдиган акрил 
полимерлари асосида олинган рангли композициялар билан қопланган бўлиб, 
турар жой ва жамоат бинолари қурилишида ишлатилади. 
Ташқи деворбоп асбоцемент панеллар ёғоч каркасга учқатламли қилиб, 
ўртасига иссиқлик изоляцияси материали қўйилган ҳолда ишлаб чиқарилади 
(9.11-расм). Улар йиғма ва монолит усулда қуриладиган тураржой бинолари 
ва ғиштли уйлар қурилишида ташқи девор сифатида ишлатилади. 
Панеллар узунлиги 2980 ва 5980 мм, баландлиги 2780 мм, ва 3280 мм, 
қалинлиги 160 ва 210 мм. Панеллар ташқи томонига ишлатиладиган листлар 
ясси ва релефли, кулранг ва оқ (оқ цемент асосида) ҳамда рангли (рангли 
цемент асосида) безакли бўлиши мумкин.