Muzeylar ijtimoiy institut sifatida

Muzalar:
1.Klio - tarix ma'budasi
2.Yevtepra - lirik poeziya ma'budasi
3.Taliya - komediya ma'budasi
4.Melpomera - tragediya ma'budasi
5.Terpsixora - o'yin mabudasi
6.Erato - muhabbat lirikasi mabudasi
7.Poligimiya - gimnlar ma'budasi
8.Urani - astronomiya ma'budasi
9.Kalliopa - epos ma'budalari
Yevropada ilmiy vazifalar yuklatilgan muzeyning paydo boʻlishi buyuk geografik kashfiyotlar, amalga oshayotgan davr —Uygʻonish davriga toʻgʻri keladi. Bu davrda hayvonot va oʻsimlik dunyosi namunalari, minerallar, geodeziya va astronomiya asboblari, etnografik ahamiyatga ega narsalar to'plangan. Tabiiy, ilmiy, etnografiya va tarixiy, badiiy, noyob narsalar jamlangan saroy toʻplamlari shuxrat qozongan. Dastlab muzey va ular haqidagi tavsiflar, shuningdek, muzeyshunoslik haqidagi nazariy asarlar ham shu davrda paydo boʻldi. Florensiya, Rim, Drezden va boshqa joylardagi antik davr yodgorliklari toʻplamlari shu davrga mansub. 17—18-asrlarda keyinchalik koʻplab davlat milliy muzeylari negizini tashkil qilgan tarixiy, arxeologik, tabiatshunoslik, sanʼatshunoslikka oid bo'lan shaxsiy toʻplamlar shakllandi. Jahondagi dastlabki muzeylar hisoblangan "Britaniya" muzeyi esa1753-yilda, "Luvr" muzeyi esa 1793-yilda ochilgan.
Britaniya muzeyi — jahondagi eng yirik muzeylar dan bo'lib Londonda joylashgan. Yevropada birinchi davlat muzeyi. 1753-yilda asos solingan, 1759-yildan ishga tushgan (binosi ingliz soʻnggi klassitsizmi uslubida qurilgan, 1823—1847, me’mor R.Smyork tomonidan qurilgan) Ushbu muzey da Yevropa, Osiyo, Afrikaning Oʻrta asrlar san’ati yodgorliklari (arab, Eron, Uzoq Sharq kulollik buyumlari, Benin bronzasi), shuningdek rasm, gravyura, kulollik buyumlari, tanga, medallar toʻplangan. Muzeyning etnografiya boʻlimidan Afrika, Amerika, Okeaniya va boshqa xalqlar madaniy yodgorliklari keng oʻrin olgan. Firdavsiyning Muhammad Joʻqiy tomonidan koʻchirilgan Shohnoma"si (1440-yil 31 ta miniatyura bilan bezatilgan),"Boburnoma"ning qoʻlyozmasi (XVI asr 2-yarmida koʻchirilgan), Amudaryo xazinasi (1877-yil Amudaryo sohilidan topilgan) va boshqalar shu muzeyda saqlanadi. Britaniya muzeyi kutubxonasida 7 mln.dan ortiq kitob, taxminan 105 ming qoʻlyozma, taxminan 100 ming hartiya (qoʻlyozma hujjat) va yorliq, 3 mingdan ortiq papirus bor. 1926-yildan muzey oʻz jurnalini nashr etadi.³